Numerus 8:11 - BIBLIA - traduson antigu in Krioulo

¹¹ Aron na pursenta levitas dianti di SIÑOR suma oferta spesial di fijus di Israel; e na dedikadu pa fasi tarbaju di SIÑOR.

Numerus 8:11 ပူးပေါင်းရင်းမြစ်များ

Saida 29:24

Bu na pui tudu e kusas na mon di Aron ku di si fijus; bu na sana ku elis di un ladu pa utru dianti di SIÑOR.

Sirmonias 7:30

Ku si propi mon i na tisil suma oferta kemadu pa SIÑOR. I na tisi gurdura tudu ku pitu, ki na sana ku el dianti di SIÑOR, suma oferta di sana.

Sirmonias 7:34

N tira di ofertas di pas di fijus di Israel ki pitu ku sanadu ku el, ku perna direita ku pursentadu, N da elis pa saserdoti Aron ku si fijus suma se kiñon. Es i lei di fijus di Israel pa sempri.”

Sirmonias 8:27

I pui es tudu na mon di Aron ku si fijus, i sana elis dianti di SIÑOR suma oferta di sana.

Sirmonias 8:29

Moisés toma pitu, parti di karnel di konsagrason ku pertensil, i sanal dianti di SIÑOR suma oferta di sana, konformi ordi ku SIÑOR dalba.

Numerus 6:20

Dipus, saserdoti na sana ku elis suma oferta di movimentu dianti di SIÑOR. Es oferta i sagradu, i pertensi saserdoti, tudu ku pitu ku sanadu ku el, ku perna ku pursentadu. Dipus di kila, nazireu pudi bibi biñu.

Ripitison di Lei 10:8

Na ki tempu SIÑOR separa jorson di Levi pa e leba arka di kontratu di SIÑOR, pa e firma si dianti pa sirbil suma saserdotis, pa bensua jinti na si nomi. E ta fasi kila te aos.