Numerus 7:1 - BIBLIA - traduson antigu in Krioulo

¹ Na dia ku Moisés kaba lantanda tabernakulu, i unjil, i dedikal pa Deus, ku tudu si ekipamentu; i unji tambi altar ku tudu si material, i dedikal.

Numerus 7:1 ပူးပေါင်းရင်းမြစ်များ

Kumsada 2:3

Deus bensua setimu dia, i pul un dia aparti, pabia na ki dia i diskansa di tudu ki tarbaju di kumpu kusas.

1 Reis 8:64

Na ki dia rei santifika un parti na metadi di kintal dianti di templu. La ki pursenta ofertas kemadu, ofertas di kumida ku gurdura di ofertas di pas, pabia altar di kobri ku staba dianti di santuariu di SIÑOR i perta dimas tok tudu ki ofertas ka pudiba kibi nel.

Saida 13:2

“Dedika pa mi tudu purmeru fiju macu ku si mame padi, pabia tudu purmeru fiju di pobu di Israel i di mi, mesmu ki di omi o di limaria.”

Saida 29:36

Kada dia bu na ranja un turu pa oferta pa purdon di pekadu, bu na purifika altar, bu pursenta ki sakrifisiu riba del, bu unjil pa konsagral.

Saida 40:11

Unji tambi basia ku si pe, bu dedikal.

Numerus 17:2

“Papia ku fijus di Israel pa e dau dozi manduku, un pa kada ŝef di jorson. Bu ta skirbi nomi di kada ŝef na si manduku.

Numerus 7:10

Ki ŝefis da tambi ofertas pa dedikason di altar na dia ki unjidu; e leba se ofertas dianti di altar.

Numerus 7:84

Total di ofertas ku ki dozi ŝef tisi pa dedikason di altar i sedu: 12 pratu di prata ku 12 basia di prata ku pesa 27,6 kilu; 12 tiẑela di uru ku pesa 1,38 kilu, incidu ku nsensu; pa ofertas kemadu: 12 turu, 12 karnel macu ku 12 karnelsiñu macu di un anu, tudu ku oferta di kumida; pa oferta pa pekadu: 12 kabra macu; pa ofertas di pas: 24 turu, 60 karnel macu, 60 kabra macu ku 60 karnelsiñu macu di un anu. Asin ku altar dedikadu dipus ki unjidu.

Mateus 23:19

Abos segus! Kal ki mas importanti: oferta o altar ku ta santifika oferta?