Numerus 6:5 - BIBLIA - traduson antigu in Krioulo

⁵ “Nkuantu i sta bas di si votu di nazireadu, si kabelu ka na kortadu nin rapadu. Tementi i ka kompleta ki dias ki sta separadu pa SIÑOR, i na sedu sagradu; i na disa kabelu di si kabesa kirsi.

Numerus 6:5 ပူးပေါင်းရင်းမြစ်များ

Ezekiel 44:20

“Saserdotis ka na rapa kabesa, nin e ka na disa kabelu pa i kirsi kumpridu, ma e na ba ta kortal pa i fika justadu.

Numerus 6:4

Tudu tempu ki sedu nazireu i ka na kume kualker kusa di pe di uva, nin si kuku nin kaska.

Atus 18:18

Paulu tarda na Korintu un tempu inda; i dispidi ermons, i mbarka pa Siria. Prisila ku Ákila bai ku el. Na Senkreia i rapa kabesa pabia i fasiba Deus purmesa.

Ŝefis 13:5

pabia bu na preña, bu na bin padi un fiju ku nunka faka ka na pasa na si kabelu. Mininu na sedu nazireu, dedikadu pa Deus desdi bariga di si mame. I na kumsa libra Israel na mon di filisteus.”

Ŝefis 16:17

tok i kontal tudu si sigridu, i falal: “Nunka faka ka pasa na ña kabelu, pabia ami i nazireu, dedikadu pa Deus disna di bariga di ña mame. Si N rapadu, ña forsa na sai na mi, N na sedu fraku suma kualker omi.”

Ŝefis 16:19

Dalila pui Sanson durmi riba di si ragas, i coma un omi ku bin rapal ki seti ponta di kabelu. Dalila kumsa na bulil, oca si forsa saiba ja nel.

1 Samuel 1:11

i fasi votu i fala: “SIÑOR ku ten tudu puder! Si bu jubi pa ña kasabi, bu lembra di mi, bu ka diskisi di bu servu, ma bu dan un fiju macu, N na ntrega SIÑOR el tudu tempu di si vida; faka ka na pasa na si kabelu.”