Numerus 5:7 - BIBLIA - traduson antigu in Krioulo

⁷ I ten ku konfesa pekadu ki fasi, i paga tudu ki dibi di paga pa si kulpa, i buri mas un kintu parti, i da tudu pa ki algin ki yara.

Numerus 5:7 ပူးပေါင်းရင်းမြစ်များ

Salmus 32:5

Asin, N konfesa ña pekadu; N ka sukundi mal ku N fasi. N fala kuma N na konfesa SIÑOR kusas mau ku N fasi; bu purdan kulpa di ña pekadu. Sela

Ditus 28:13

Kil ku sukundi si pekadus nunka i ka na bai dianti, ma kil ku konfesa, i disa, i ta yangasa miserikordia.

Sirmonias 26:40

“Ma e na konfesa se pekadus ku pekadus di se papes, manera ke rebela, e yanda kontra mi,

Sirmonias 26:41

ku pun tambi N yanda kontra elis, N leba elis pa tera di se inimigus. Si se korsons duru baŝa, e seta suma diritu ki kastigu di se pekadu,

Sirmonias 5:15

“Ora ku algin kebra lei, sin i ka sibi, i peka na kusas sagradu di SIÑOR, i na tisi pa SIÑOR suma oferta un karnel macu di koral, sin difeitu, ku tene si pres sertu na siklus di prata, konformi siklu ta pesadu na kau sagradu. Es i sedu oferta pa kulpa.

Sirmonias 5:16

Asin i na paga kil ki ka pagaba pa si dever na kusas sagradu; inda i na buri mas kintu parti; i na dal pa saserdoti. Asin saserdoti na sakrifika ki karnel macu suma oferta pa kulpa; si dunu na purdadu si pekadu.

Sirmonias 5:5

Asin si algin sedu kulpadu na un de kusas, i na konfesa ki kusa ki peka nel.

Sirmonias 7:7

“Suma oferta pa pekadu, asin ku oferta di kulpa na sedu tambi; elis dus e na tene mesmu lei. I na sedu di saserdoti ku fasi sakrifisiu ku el.

Numerus 5:8

Ma si ki algin ki yara muri ja, i ka tene parenti ku ten diritu di risibi ki diñeru, ki kulpadu na da SIÑOR el; i na bai pa saserdoti. Ki pagamentu i ka na juntu ku ki karnel ki na leba pa saserdoti pudi sakrifikal, pa ki pekadu purdadu.

Lukas 19:8

Zakeu lanta, i fala Siñor: “Jubi, Siñor, N na da pobris metadi di ña rikesa. Si kontra N ngana algin na kualker kusa, N sta pruntu pa tornal kuatru bias mas.”

Josué 7:19

Josué fala Akan: “Ña fiju, da gloria pa SIÑOR Deus di Israel, bu konfesa si dianti. Kontan gosi ke ku bu fasi; ka bu sukundin nada.”