Numerus 5:18 - BIBLIA - traduson antigu in Krioulo

¹⁸ i na pursenta minjer dianti di SIÑOR, i na diskubri si kabesa, i na pui na si mon ki oferta di foriña, di siumi. Saserdoti na pega na si mon ki yagu malgos ku ta tisi maldison.

Numerus 5:18 ပူးပေါင်းရင်းမြစ်များ

Ditus 5:4

ma na kabantada i malgos suma fel, i ta fidi suma faka ku moladu na dus ladu.

Eklesiastis 7:26

N oja un kusa mas malgos di ki mortu — un minjer ku si korson i ridia ku armadilia; si mon i korenti. Algin ki bon dianti di Deus i ta kapli del, ma i ta paña kil ku ta fasi pekadu.

Isaias 38:17

I pa N pudi ten pas ku N pasa na garandi kasabi. Abo, ku bu garandi amor, bu guardan pa ka N kai na koba di mortu, pabia bu bota tudu ña pekadus tras di bu kostas.

Jeremias 2:19

I bu maldadi ku na kastigau; bu disviu ku na raprindiu. Pensa diritu, bu jubi kuma ki sedu un kusa mau i malgos pa bu disa SIÑOR bu Deus, bu ka ten rispitu pa el.” Asin ku SIÑOR Deus ku ten tudu puder fala.

Sirmonias 13:45

“Ki algin ku tene mpincu i na bisti ropa rumpidu, i na yanda ku kabelu dispintiadu, i na kubri boka, i na ba ta grita: ‘Impuru! Impuru!’

Numerus 5:15

Ki omi pudi leba si minjer dianti di saserdoti; i na leba tambi, na konta di minjer, un oferta di dus litru di foriña di sevada, ma i ka na darma azeiti nel, nin i ka na pui nsensu riba del, pabia i oferta di siumi, pa pekadu pudi sai na lus.

Numerus 5:17

Dipus, i na pui yagu sagradu na un testu, i na toma puera di con di tabernakulu, i pul na yagu;

Numerus 5:19

Dipus i na pui minjer bas di juramentu, i na falal: ‘Si ningin ka dita ku bo, bu ka yara bu maridu, bu ka sedu impuru, e yagu malgos di maldison ka na fasiu mal,

Numerus 5:22

E yagu di maldison pa i yentra na bu kurpu, i pui bu bariga pa i inca, i pui bu koŝa pa i pirdi forsa.’ Minjer na fala: ‘Amen! Pa i sedu asin.’

1 Koríntius 11:15

ma si i minjer ku tene kabelu kumpridu, i bonitu, pabia i dadu kabelu pa kubril suma veu.

1 Koríntius 11:6

Asin si minjer ka kubri kabesa ku veu, i minjor i tiskia kabelu. Si pa un minjer tiskia kabelu, o i rapa, i borgoña, i minjor i kubri ku veu.

Ripitison di Lei 29:18

Bo toma sintidu pa ka i ojadu na bo metadi omi nin minjer nin familia nin jorson ku si korson na disvia di SIÑOR no Deus, pa i bai sirbi deusis di ki nasons, pabia kila ta bin sedu suma rais ku ta nasi pa padi frutu malgos ku ta mata.

Ebreus 13:4

Pa tudu jinti rispita kasamenti. Kama di kasadu pa ka i mancadu ku pekadu. Deus na julga kilis ku ta sta na vida susu, ku pekadu seksual.

1 Samuel 15:32

Dipus Samuel fala: “Tisin Agag, rei di amalekitas, pa li.” Agag bai pa el fiansadu, i na fala na si sintidu: “Sertamenti malgosadura di mortu i pasa ja.”