Numerus 4:5 - BIBLIA - traduson antigu in Krioulo

⁵ Ora ku pobu na lanta pa sai na un kau di kampamentu, Aron ku si fijus e na bin tira kurtina di kau mas sagradu, e na kubri arka di kontratu ku el.

Numerus 4:5 ပူးပေါင်းရင်းမြစ်များ

1 Kronikas 15:15

Levitas bai, e miti varas na anilias di arka di Deus, e kargal na se ombras, konformi ordis ku SIÑOR daba na boka di Moisés.

1 Kronikas 23:26

Asin levitas ka na pirsisa di torna karga tenda nin kualker di kusas ku ta usadu na sirvis la.”

2 Kronikas 3:14

I kumpu kurtina di lan azul, purpura ku burmeju, ku liñu finu, ku kirubins diseñadu nel.

Saida 36:35

E kumpu tambi kurtina di lan azul, purpura ku burmeju, ku liñu finu tursidu, bordadu ku kirubins pa un omi ku sibi ki tarbaju.

Saida 40:3

Pui arka di kontratu nel, bu kubril ku kurtina.

Saida 40:5

Pui altar di uru pa nsensu dianti di arka di kontratu, bu pindra kurtina na entrada di tenda.

Isaias 25:7

Ne monti i na kaba ku nuven ku sta riba di tudu rasas, ki veu ku ta kubri tudu nasons.

Sirmonias 16:2

SIÑOR fala Moisés: “Konta bu ermon Aron pa i ka yentra na kualker ora ki misti na kau mas sagradu, pa dentru di kurtina, dianti di kubertura di miserikordia ku sta riba di arka di kontratu, pa ka i muri, pabia i la ku N ta parsi na nuven, riba di kubertura di miserikordia.

Numerus 10:14

Tropas di kampamentu di Judá bai purmeru, ku se bandera. Se ŝef i Naason, fiju di Aminadab.

Numerus 4:15

“Na ora di munda di kampamentu, fijus di Koat na bin pa leba kusas di santuariu, ma son dipus di Aron ku si fijus kaba kubri tudu ekipamentu sagradu. E ka dibi di toka na kusas sagradu; si e toka nelis, e na muri. Fijus di Koat ten ku karga ki kusas di tenda di juntamentu.

Numerus 4:4

“Sirvis di fijus di Koat na tenda di juntamentu i sta na kusas mas sagradu.

Numerus 7:9

Ma i ka da nada pa fijus di Koat, pabia elis e tenba konta di kusas mas sagradu, e ta kargaba elis na ombras.

Mateus 27:51

Kurtina di kasa di Deus findi na dus padas, di riba pa bas. Tera tirmi, pedras rebenta.

Ripitison di Lei 31:9

Moisés skirbi e lei, i ntregal na mon di tudu garandis di Israel ku saserdotis, fijus di Levi, ku ta lebaba arka di kontratu di SIÑOR.

Ebreus 10:20

I yabrinu un nobu kamiñu di vida, oca i rasga kurtina ku sedu si propi kurpu.

Ebreus 9:3

Pa tras di sugundu kurtina i sta un lugar ku comadu lugar mas sagradu di tudu,

1 Samuel 6:19

SIÑOR mata setenta omi di Bet-Semes pabia e jimpini dentru di arka di SIÑOR. Pobu fika tristi dimas, manera ku SIÑOR fasi ki matansa na se metadi.