Numerus 4:15 - BIBLIA - traduson antigu in Krioulo

¹⁵ “Na ora di munda di kampamentu, fijus di Koat na bin pa leba kusas di santuariu, ma son dipus di Aron ku si fijus kaba kubri tudu ekipamentu sagradu. E ka dibi di toka na kusas sagradu; si e toka nelis, e na muri. Fijus di Koat ten ku karga ki kusas di tenda di juntamentu.

Numerus 4:15 ပူးပေါင်းရင်းမြစ်များ

2 Samuel 15:24

Zadok tambi staba la, ku tudu levitas ku na lebaba arka di kontratu di Deus. E finkandal la; Abiatar fika i na fasi sakrifisiu tok tudu jinti kaba sai na prasa.

2 Samuel 6:13

Oca kilis ku na leba arka di SIÑOR kaba da seis pasu, Davi sakrifika un turu ku un bakasiñu gurdu.

1 Reis 8:3

Oca ku tudu garandis di Israel ciga, saserdotis lambu arka di SIÑOR,

1 Kronikas 15:15

Levitas bai, e miti varas na anilias di arka di Deus, e kargal na se ombras, konformi ordis ku SIÑOR daba na boka di Moisés.

1 Kronikas 15:2

I rabida i fala: “Ningin ka pudi karga arka di Deus si i ka son levitas, pabia SIÑOR kuji elis pa e ba ta karga arka, tambi pa sirbi Deus pa sempri.”

1 Kronikas 23:26

Asin levitas ka na pirsisa di torna karga tenda nin kualker di kusas ku ta usadu na sirvis la.”

Saida 19:12

Marka kau ke dibi di para nel na roda di monti, bu fala elis pa e toma sintidu pa ka e subi na monti, nin pa ka toka nel. Algin ku toka na monti i ten ku matadu.

Saida 19:21

SIÑOR falal: “Ria, bu avisa pobu pa e ka pasa ki kau ku markadu, pa e pudi jubi SIÑOR. Si e fasi asin, manga delis na muri.

Saida 27:7

Ki varas na mitidu na anilias pa e sta na tudu dus ladu di altar ora ki na kargadu.

Sirmonias 16:13

I na pui nsensu riba di fugu na pursensa di SIÑOR. Fumu di nsensu na sukundi kubertura di miserikordia ku sta riba di arka di tustumuñu, pa Aron ka muri.

Numerus 1:50

Pui levitas pa e toma konta di tenda di tustumuñu, ku tudu si ekipamentu, ku tudu ku pertensil. I elis ku na karga tenda ku tudu si ekipamentu, e na toma konta del, e pui se kampamentu na roda del.

Numerus 1:51

Ora ku bo na kontinua bias, levitas na dismanca tenda; e na torna kumpul ora ku bo ciga na utru kau di kampamentu. Kualker utru algin ku ciga pertu del i ten ku matadu.

Numerus 10:21

Dipus koatitas bai e lambu kusas di kau sagradu, e leba. Antis de ciga, kilis ku lebaba tenda e ta montalba ja.

Numerus 18:3

Levitas na sta bas di bo pa fasi tarbaju na tenda, ma e ka na ciga pertu di altar nin di kualker kusa ku sta na santuariu, pa ka e muri, nin abos tambi pa ka bo muri.

Numerus 3:38

Moisés ku Aron ku se fijus tenba ku pui se tendas dianti di tabernakulu na ladu di saida di sol. E staba nkargadu pa toma konta di santuariu, na konta di fijus di Israel. Kualker utru algin ku ciga pertu di santuariu ten ku matadu.

Numerus 4:14

Riba di kila e ta pui tudu kusas ku ta usadu na sirvis di altar: si braserus, garfus, pás ku basias; e ta kubri elis ku pelis di baka di yagu, e miti si varas.

Numerus 4:19

Pa e pudi fika di vida, e ka muri, bo ten ku fasi asin: Aron ku si fijus na bin, e na yentra na kau sagradu, e na mostra kada kin ke ki na fasi ku ke ki na karga.

Numerus 4:20

Koatitas ka na yentra pa jubi, ora ke na kubri kusas sagradu. Si e fasi asin e na muri.”

Numerus 7:9

Ma i ka da nada pa fijus di Koat, pabia elis e tenba konta di kusas mas sagradu, e ta kargaba elis na ombras.

Ripitison di Lei 31:9

Moisés skirbi e lei, i ntregal na mon di tudu garandis di Israel ku saserdotis, fijus di Levi, ku ta lebaba arka di kontratu di SIÑOR.

Josué 4:10

Saserdotis ku kargaba arka e firma na metadi di Jordon, tok tudu fasidu ku SIÑOR manda Josué pa i fala pobu, konformi ordi ku Moisés daba ja Josué. Pobu janti e kamba.

1 Samuel 6:19

SIÑOR mata setenta omi di Bet-Semes pabia e jimpini dentru di arka di SIÑOR. Pobu fika tristi dimas, manera ku SIÑOR fasi ki matansa na se metadi.