Numerus 35:22 - BIBLIA - traduson antigu in Krioulo

²² “Ma i pudi sedu ku algin, sin kualker inimisadi, i pinca si kumpañer pa asidenti, o i ferca kualker kusa ku sutal, sin mau pensamentu kontra el,

Numerus 35:22 ပူးပေါင်းရင်းမြစ်များ

Saida 21:13

Si i ka fasil pa diskarna, ma i sedu un asidenti ku Deus pirmiti, i ta kuri pa lugar ku N na kuji,

Numerus 35:11

bo kuji prasas ku na sedu bo prasas di rogu, nunde ku algin pudi kuri pa el si i yara, i mata algin sin tenelba na sintidu.

Numerus 35:20

“Si algin pinca si kumpañer ku odiu, o i pui sintidu pa ferca un kusa kontra el, tok i muri,

Numerus 35:21

o ku inimisadi i dal suku ku si mon tok i muri, ki algin ten ku matadu pabia i matadur. Si vingadur di sangi kontra ku el, i ten ku matal.

Numerus 35:23

o i ka ojal, i disa pedra kai riba del tok i matal, ma i ka seduba si inimigu nin i ka mistiba fasil mal.

Ripitison di Lei 19:5

suma algin ku bai matu ku si kumpañer pa korta leña. I lambu mancadu ku ki forsa pa korta po; feru salta na kaku, i paña si kumpañer, i matal. Ki omi ten ku kuri pa un di ki prasas pa salba si vida.

Josué 20:3

Asin si algin yara, i mata si kumpañer sin i ka tenel na sintidu, i pudi kuri pa la, pa kapli di ki parenti ku misti tornal.

Josué 20:5

Si vingadur di sangi bin si tras, e ka pudi ntregal ki omi ku mata si kumpañer, pabia i ka monta planu pa matal, nin i ka pañaba raiba del purmeru.