Numerus 34:19 - BIBLIA - traduson antigu in Krioulo

^19-28 Es i nomis di ki ŝefis: Di Judá, Kaleb, fiju di Jefoné; di Simeon, Semuel, fiju di Amiud; di Benjamin, Elidad, fiju di Kislon; di Dan, Buki, fiju di Jogli; di José (Manasés), Aniel, fiju di Efod; di Efrain, Kemuel, fiju di Siftan; di Zebulon, Elizafan, fiju di Parnak; di Isakar, Paltiel, fiju di Azan; di Aser, Aiud, fiju di Selomi; di Naftali, Pedael, fiju di Amiud.”

Numerus 34:19 ပူးပေါင်းရင်းမြစ်များ

Kumsada 29:35

I torna preña mas, i padi un fiju, i fala: “E bias, N na ngaba SIÑOR.” Pabia di kila, i coma si nomi Judá. Dipus i para padi.

Kumsada 35:22

Oca Israel na moraba na ki tera, Ruben bai i durmi ku Bila, kumadri di si pape. Israel bin sibil. Jakó teneba dozi fiju macu.

Kumsada 35:23

Fijus di Leia e sedu Ruben (purmeru fiju di Jakó), dipus Simeon, Levi, Judá, Isakar ku Zebulon.

Salmus 60:7

Jilead ku Manasés i di mi; Efrain i forsa di ña kabesa; Judá i ña bingala di renansa.

Numerus 13:30

Kaleb pui jinti ku staba dianti di Moisés pa e kala, i fala: “No bai ku koraẑen, no toma ki tera pa nos, pabia no pudi ngañal, sin duvida.”

Numerus 13:4

Ali se nomis: Di jorson di: Ŝef: Fiju di: Ruben Samua Zakur Simeon Safat Ori Judá Kaleb Jefoné Isakar Igal José Efrain Oseias Nun Benjamin Palti Rafu Zebulon Gadiel Sodi José (Manasés) Gadi Susi Dan Amiel Jemali Aser Setur Mikael Naftali Nabi Vofsi Gad Jeuel Maki

Numerus 14:24

ma ña servu Kaleb, suma ki tene utru spiritu, i kontinua na yanda ku mi na si korson, N na lebal pa ki tera ki baiba pa el; si jorson na yardal.

Numerus 14:30

N yalsa mon pa jurmenta kuma N na pui bos pa bo mora na ki tera, ma bo ka na yentra la, si i ka Kaleb, fiju di Jefoné, ku Josué, fiju di Nun.

Numerus 14:38

Di kilis ku baiba pa jubi tera, son Josué, fiju di Nun, ku Kaleb, fiju di Jefoné, ku fika ku vida.

Numerus 14:6

Josué, fiju di Nun, ku Kaleb, fiju di Jefoné, ku sedu dus di kilis ku baiba spia tera, e rumpi se ropa,

Numerus 26:65

pabia SIÑOR falaba aserka di kilis ku matiba na Sinai kuma e ten ku muri na lala. Asin nin un delis ka fika, si i ka sedu Kaleb, fiju di Jefoné, ku Josué, fiju di Nun.

Numerus 34:18

Bo na toma tambi un ŝef di kada jorson pa juda rapati tera pa yardansa.

Ripitison di Lei 1:36

uniku algin i Kaleb, fiju di Jefoné; el i na ojal; ki tera ki masa ja ku si pe, N na dal el, ku si fijus, pabia i kontinua na yanda ku mi di korson.”

Ripitison di Lei 33:7

Es i kil ki fala aserka di Judá: “O SIÑOR, obi vos di Judá, bu juntal ku si pobu. El ku si mon i na difindi si kabesa; sedu si Judadur kontra si inimigus.”