Numerus 33:3 - BIBLIA - traduson antigu in Krioulo

³ Fijus di Israel sai na Ramasés na dia 15 di purmeru mis, ku sedu dia dipus di Paskua. E sai ku koraẑen na uju di tudu ejipsius,

Numerus 33:3 ပူးပေါင်းရင်းမြစ်များ

Kumsada 47:11

José da si pape ku si ermons kau ku pertensi elis propi na minjor parti di tera di Ejitu, na ladu di Ramasés, pa e mora la, suma ku Faraó daba ordi.

Salmus 105:38

Ejipsius e kontenti oca ke sai, pabia medu di Israel tomaba konta delis.

Saida 1:11

E pui kapatasis, ku sedu ŝefis di tarbaju, riba delis pa kastiga elis ku tarbaju forsadu. Asin pobu di Israel e bin kumpu prasas, Piton ku Ramasés, pa guarda rikesas di Faraó.

Saida 12:2

“E mis i na sedu purmeru mis pa bos; bo na fasil purmeru mis di anu.

Saida 12:37

Fijus di Israel kumsa yanda ku pe, di Ramasés te na Sukot. E seduba serka di seizentus mil omi, fora di minjeris ku mininus.

Saida 13:4

Aos, na mis di Abib, bo na sai na Ejitu.

Saida 14:8

Asin SIÑOR ndurusi korson di Faraó, rei di Ejitu, pa i serka fijus di Israel ku na yandaba ku koraẑen pa dianti.

Isaias 52:12

Ma bo ka na sai dipresa nin bo ka na kuri suma kil ku na fusi, pabia SIÑOR na bai bo dianti; Deus di Israel na sedu bo guarda di tras.

Mikeias 2:13

Kil ku na yabri kamiñu na bai se dianti; e na romba porton, e sai. Se rei na bai se dianti; SIÑOR na bai dianti pa gia elis.”

Numerus 33:2

Konformi ordi di SIÑOR Moisés skirbi nomi di kada kau ke sinta nel na bias.