Numerus 31:30 - BIBLIA - traduson antigu in Krioulo

³⁰ Na parti ku na bai pa fijus di Israel bo na toma un na kada sinkuenta, nin si i jinti, bakas, burus, karnel o utru limarias. Bo na dal pa levitas ku ta toma konta di tenda di SIÑOR.”

Numerus 31:30 ပူးပေါင်းရင်းမြစ်များ

1 Kronikas 23:32

Asin levitas dadu kargu di guarda tenda di juntamentu ku kau sagradu, tambi pa juda se ermons di jorson di Aron na sirvis di kasa di SIÑOR.

2 Kronikas 14:15

E ataka tambi kampamentus di bakiaduris, e toma elis manga di karnel ku kamelu; dipus e riba pa Jerusalen.

Numerus 1:53

Levitas na pui se tendas na roda di tenda di tustumuñu, pa N ka bin paña raiba di tudu fijus di Israel. Levitas i kilis ku nkargadu di guarda tenda di tustumuñu.”

Numerus 3:25

Kargu di fijus di Jerson na tenda di juntamentu i seduba pa toma konta di tenda ku si kubertura, ku kurtina na entrada,

Numerus 3:31

Se kargu seduba pa toma konta di arka, mesa, kanderu, altaris, ku vasus ku ta usadu pa sirvis di santuariu, ku kurtina di kau mas sagradu, ku tudu sirvis ligadu ku ki kusas.

Numerus 31:28

Na mon di tropas ku bai gera bo na toma, suma mpustu pa SIÑOR, un na kada kiñentus, nin si i jinti o si i bakas, burus, o karnel.

Numerus 31:29

Bo na tomal na ki metadi ke na dadu, bo dal pa saserdoti Eleazar, suma oferta spesial pa SIÑOR.

Numerus 31:31

Moisés ku saserdoti Eleazar e fasi konformi SIÑOR manda Moisés.

Numerus 8:26

E pudi bai juda se ermons na tarbaju ke ten ku fasi na tenda di juntamentu, ma elis propi e ka na toma konta di sirvis. Asin ku bu na ranja sirvis di levitas.”

Atus 20:28

Asin, bo toma sintidu ku bo kabesa, ku ki grupu di krentis ku Spiritu Santu fasi bos garandis riba del, pa bo pudi sedu pastoris ku na alimenta igreẑa di Deus, ki liberta ku si sangi propi.

1 Koríntius 4:2

Agora no na pera kuma un nkargadu dibi di ojadu fiel.

Kolosensis 4:17

Bo fala Arkipu pa i pui sintidu pa kabanta tarbaju ki dadu na sirvis di Siñor.

Ebreus 13:17

Bo obdisi bo pastoris, bo suẑeta elis, pabia e ka ta kansa jubi pa bos, suma kin ku ten ku da Deus konta di bo alma. Bo juda elis pa e pudi fasi e tarbaju ku alegria, pa ka e ba ta fasil ku dur di korson, pabia de manera i ka ta bali pa bos.

Josué 9:27

Na ki dia Josué fasi elis findiduris di leña ku kataduris di yagu pa pobu di Israel, tambi pa altar di SIÑOR. Te aos e ta fasi inda ki tarbaju, na kau ku SIÑOR kuji.