Numerus 31:28 - BIBLIA - traduson antigu in Krioulo

²⁸ Na mon di tropas ku bai gera bo na toma, suma mpustu pa SIÑOR, un na kada kiñentus, nin si i jinti o si i bakas, burus, o karnel.

Numerus 31:28 ပူးပေါင်းရင်းမြစ်များ

Kumsada 14:20

Deus ku sta riba di tudu, ku ntrega bu inimigus na bu mon, pa i ngabadu!” Abron dal desimu parti di tudu ki tira na mon di ki reis.

1 Kronikas 18:11

Davi toma ki kusas, i dedika elis pa SIÑOR, tudu ku utru prata ku uru ki tomaba di tudu e nasons: edomeus, moabitas, amonitas, filisteus ku amalekitas.

2 Kronikas 15:11

Na ki mesmu dia e sakrifika pa SIÑOR setsentus turu ku seti mil karnel, di ki limarias ke tisi di gera.

Isaias 18:7

Tempu na ciga ku SIÑOR ku ten tudu puder na lebadu oferta di ki tera ku rius dividi, di ki pobu altu ku peli ku ta lampra, ku jinti di lunju ku kilis di pertu ta sinti medu delis, un nason forti ku ta lestu pa geria. E na leba ki oferta pa monti di Sion, ki lugar ku tene nomi di SIÑOR ku ten tudu puder.

Isaias 23:18

Tudu diñeru ki na ngaña na nogos i na dedikadu pa SIÑOR. I ka na rakadadu o ficadu, ma si ngañu na sedu pa kilis ku ta sirbi dianti di SIÑOR, pa e pudi tene bastanti kumida ku ropa di bon koldadi.

Isaias 60:9

Sin duvida, jinti di jius na bin; barkus di Tarsis sta dianti, pa tisi bu fijus di lunju, elis ku se prata ku uru, pa da onra pa nomi di SIÑOR bu Deus, Deus Santu di Israel, pabia el i fasiu gloriosu.

Numerus 18:21

“N da levitas tudu dizimus di Israel pa yardansa, suma pagamentu di tarbaju ke ta fasi ora ke na sirbi na tenda di juntamentu.

Numerus 18:26

pa i papia ku levitas, i fala elis: “Ora ku bo risibi ki dizimus di fijus di Israel ku N da bos suma yardansa, bo na pursenta dizimu di ki dizimus pa SIÑOR suma oferta.

Numerus 31:29

Bo na tomal na ki metadi ke na dadu, bo dal pa saserdoti Eleazar, suma oferta spesial pa SIÑOR.

Numerus 31:30

Na parti ku na bai pa fijus di Israel bo na toma un na kada sinkuenta, nin si i jinti, bakas, burus, karnel o utru limarias. Bo na dal pa levitas ku ta toma konta di tenda di SIÑOR.”

Numerus 31:47

Di ki metadi di fijus di Israel Moisés toma un di kada sinkuenta, di jinti ku limarias, suma ku SIÑOR mandal, i dal pa levitas ku tenba konta di tenda di SIÑOR.

Mateus 22:21

E falal: “I di rei garandi.” I fala elis: “Bo da rei kil ki di rei; bo da Deus kil ki di Deus.”

Josué 6:19

Tudu prata ku uru ku putis di bronzi ku di feru i sagradu pa SIÑOR, i ten ku bai pa si kofri.”

Josué 6:24

Dipus e kema prasa ntidu, ku tudu ku staba nel, ma e pui prata ku uru, ku putis di bronzi ku di feru, na kofri di kasa di SIÑOR.

Josué 9:27

Na ki dia Josué fasi elis findiduris di leña ku kataduris di yagu pa pobu di Israel, tambi pa altar di SIÑOR. Te aos e ta fasi inda ki tarbaju, na kau ku SIÑOR kuji.