Numerus 30:12 - BIBLIA - traduson antigu in Krioulo

¹² Ma si si omi tujil na ki dia ki obil, tudu palabra ki papia ku si boka, ku juramentu ki mara si kabesa ku el, i ka na firma. SIÑOR na purdal pabia si omi tujil.

Numerus 30:12 ပူးပေါင်းရင်းမြစ်များ

Jeremias 44:17

Na bardadi no na fasi tudu kusa ku no fala ku no boka; no na kema nsensu pa raiña di seu, no na pursental ofertas di bibida, suma ku anos ku no papes, no reis ku no ŝefis, no fasi na prasas di Judá ku ruas di Jerusalen. Na ki tempu no ta fartaba kumida; tudu na kurinuba diritu, no ka oja nin un mal,

Jeremias 44:19

Minjeris fala tambi: “Oca ku no ta kemaba nsensu, no darma ofertas di bibida pa raiña di seu, no omis e sibiba diritu kuma no ta kumpuba bulus ku forma di raiña, no ta lebalba ki ofertas di bibida.”

Numerus 15:25

Saserdoti na sakrifika ki limarias pa tudu kumunidadi di Israel; se pekadu na purdadu, pabia e ka fasi diskarna, tambi e leba ki oferta kemadu pa SIÑOR, tudu ku ki sakrifisiu pa purdon di pekadu, manera ke yara.

Numerus 15:28

Saserdoti na sakrifika ki limaria pa SIÑOR na konta di ki algin ku yara. Dipus di sakrifisiu fasidu, i na purdadu.

Numerus 30:11

si si omi obil, i kala, i ka tujil, tudu si purmesas ku si juramentu ki mara si kabesa ku el na firma.

Numerus 30:13

Tudu purmesa o juramentu ku minjer fasi pa nega si kabesa, si omi pudi firmantal o negal.

Numerus 30:5

Ma si si pape tujil na ki dia ki obil, tudu si purmesas o si juramentu ki mara kabesa ku el i ka na kontadu ku el. SIÑOR na purdal pabia si pape tujil.

Numerus 30:8

Ma si si omi tujil na ki dia ki obil, i nega ki purmesa o ki palabra ki mara si kabesa ku el, SIÑOR na purdal.

1 Koríntius 11:3

ma N misti pa bo sibi kuma i Kristu ki kabesa di tudu omi; omi tambi i kabesa di minjer; Deus i kabesa di Kristu.

1 Samuel 1:23

Si omi Elkana falal: “Fasi kil ku bu oja kuma i bon. Fika tok bu tiral na mama. N misti son pa SIÑOR kumpri si palabra.” Asin minjer fika, i mamanta si fiju tok i sai na mama.