Numerus 3:41 - BIBLIA - traduson antigu in Krioulo

⁴¹ Ami ku sedu SIÑOR. Toma levitas pa mi na konta di tudu purmeru fijus di Israel, bu toma tambi limarias di levitas na konta di tudu limarias di Israel ku sedu purmeru fijus di se mames.”

Numerus 3:41 ပူးပေါင်းရင်းမြစ်များ

Numerus 18:15

Tudu purmeru fiju di omi o di limaria ku pursentadu pa mi, i di bo. Ma bu na seta si pagamentu ku troka si i sedu purmeru fiju di omi o di limaria ku ka ta roniadu ku el.

Numerus 3:12

“N toma levitas na metadi di fijus di Israel pa e sta na lugar di tudu purmeru fijus di minjeris di Israel. Levitas e sedu di mi,

Numerus 3:13

pabia tudu purmeru fiju i di mi. Disna di ki dia ku N mata tudu purmeru fijus na tera di Ejitu, N marka pa mi tudu purmeru fiju na Israel, di omi o di limaria; e na sedu di mi. Ami N sedu SIÑOR.”

Numerus 3:42

Moisés obdisi ordi di SIÑOR, i fasi konta di tudu purmeru fijus di israelitas.

Numerus 3:45

“Toma levitas na konta di tudu purmeru fijus di Israel, ku limarias di levitas na konta di se limarias. Levitas na sedu di mi; ami i SIÑOR.

Numerus 8:16

I elis ku na tiradu na metadi di fijus di Israel pa mi; N na toma elis pa mi na lugar di tudu purmeru fiju macu di si mame.

Mateus 20:28

suma Fiju di omi, ku ka bin pa i sirbidu, ma pa sirbi, i pa da si vida pa libra manga di jinti.”

1 Timótiu 2:6

kil ku da si kabesa pa liberta tudu jinti, pa da proba na tempu propi kuma Deus misti salba tudu jinti.