Numerus 3:13 - BIBLIA - traduson antigu in Krioulo

¹³ pabia tudu purmeru fiju i di mi. Disna di ki dia ku N mata tudu purmeru fijus na tera di Ejitu, N marka pa mi tudu purmeru fiju na Israel, di omi o di limaria; e na sedu di mi. Ami N sedu SIÑOR.”

Numerus 3:13 ပူးပေါင်းရင်းမြစ်များ

Neemias 10:36

Konformi i sta skritu na lei, no na leba no purmeru fijus, ku purmeru fijus di no limarias, no baka ku no karnel, pa kasa di no Deus, pa saserdotis ku ta sirbi la.

Saida 13:12

bu na ntrega pa SIÑOR tudu purmeru fiju macu ku si mame padi. Di limarias tambi, tudu purmeru fiju macu di si mame i di SIÑOR,

Saida 13:15

Oca ku Faraó bin ntema, i ndurusi si korson, i nega disanu pa no bai, SIÑOR mata tudu purmeru fiju na Ejitu, purmeru fiju di omi tudu ku di limaria. E ku manda N na sakrifika pa SIÑOR tudu limaria macu ku yabri bariga di mame, ma tudu purmeru fiju macu di omi, N ta kumpral.

Saida 13:2

“Dedika pa mi tudu purmeru fiju macu ku si mame padi, pabia tudu purmeru fiju di pobu di Israel i di mi, mesmu ki di omi o di limaria.”

Saida 22:29

“Ka bu tarda pa dan purmeru parti di bu kebur, suma miju o biñu. Bu na tisi bu purmeru fiju pa mi.

Saida 34:19

“Tudu purmeru fiju di mame i di mi; te na baka ku karnel, tudu purmeru fiju macu i di mi.

Ezekiel 44:30

Minjor di tudu purmeru frutu di kebur, ku tudu oferta, i na sedu di saserdotis. Si bo na kumpu pon, bo na da purmeru masa pa saserdoti, pa benson pudi sta riba di bu familia.

Sirmonias 27:26

“Ningin ka pudi dedika purmeru fiju di un limaria, pabia purmeru fiju sedu ja di SIÑOR; nin ki sedu fiju di baka, o di karnel, i di SIÑOR.

Numerus 18:15

Tudu purmeru fiju di omi o di limaria ku pursentadu pa mi, i di bo. Ma bu na seta si pagamentu ku troka si i sedu purmeru fiju di omi o di limaria ku ka ta roniadu ku el.

Numerus 18:6

Ami, SIÑOR, N kuji bo parentis levitas na metadi di fijus di Israel; N da bos elis suma oferta pa e pudi toma konta di tarbaju di tenda di juntamentu,

Numerus 3:41

Ami ku sedu SIÑOR. Toma levitas pa mi na konta di tudu purmeru fijus di Israel, bu toma tambi limarias di levitas na konta di tudu limarias di Israel ku sedu purmeru fijus di se mames.”

Numerus 33:4

nkuantu e na nteraba tudu se purmeru fijus ku SIÑOR mataba, oca ki na julga deusis di Ejitu.

Lukas 2:23

suma ki sta skritu na lei di Siñor kuma: “Tudu purmeru fiju macu i na ntregadu pa Siñor.”

Ebreus 12:23

ku sta na juntamentu alegri; pa igreẑa di purmeru fijus di Deus ku se nomis sta skritu na seu; pa Deus ku sedu juis di tudu jinti, pa spiritus di jinti justu ku sta ja pirfitu,