Numerus 28:11 - BIBLIA - traduson antigu in Krioulo

¹¹ “Na purmeru dia di kada mis, bo na da oferta kemadu pa SIÑOR: dus turu nobu, un karnel macu ku seti fiju di karnel, macu, di un anu, tudu sin difeitu.

Numerus 28:11 ပူးပေါင်းရင်းမြစ်များ

2 Reis 4:23

I puntal: “Ke ku manda bu na bai pa el aos? I ka lua nobu inda, nin i ka dia di diskansu.” Minjer falal: “Disan son.”

1 Kronikas 23:31

tambi ora ku ofertas kemadu na pursentadu na dias di diskansu, na lua nobu, tambi na dias ku markadu pa festival. E tenba ku pursenta sempri dianti di SIÑOR na numeru markadu, kada kin na sirvis ki skaladu pa el.

2 Kronikas 2:3

Salomon manda rekadu pa Iron, rei di Tiru, i falal: “Suma ku bu ta nogosiaba ku ña pape Davi, bu mandal madera di sedru pa i kumpu si palasiu, bu ta kontinua fasi mesmu kusa ku mi.

2 Kronikas 2:4

Ali N na bai kumpu kasa pa nomi di SIÑOR ña Deus, ku na dedikadu pa el, pa kema nsensu ku ta cera sabi si dianti, pa pursenta pon sagradu na si tempu, pa kema ofertas kada parmaña ku di tardi, na dias di diskansu, na lua nobu ku festivalis di SIÑOR no Deus. Es i ordi ku ka ta kaba ku dadu pa Israel.

2 Kronikas 8:13

I da ki ofertas di kada dia konformi ordis di Moisés, tambi na dias di diskansu, lua nobu, ku ki tris festival kada anu ku sedu di pon sin fermentu, di semanas ku di barakas.

Esdras 3:5

Dipus e fika e na kema oferta di kustumu, ku ofertas di lua nobu, ku di tudu dia spesial ku dedikadu pa SIÑOR, fora di ofertas ku jinti tisi pa SIÑOR di se propi vontadi.

Neemias 10:33

pa pon sagradu ku ta pudu na mesa, pa ofertas di kumida ku ofertas kemadu ku ta dadu tudu dia, pa ofertas di dias di diskansu, di lua nobu, ku di festivalis ku Deus mandanu pa no guarda kada anu, pa utru ofertas sagradu, ku sakrifisius pa tira pekadu di Israel, ku tudu tarbaju di kasa di no Deus.

Salmus 40:6

Bu ka misti sakrifisiu ku oferta; bu ka pirsisa di oferta kemadu nin sakrifisiu pa purdon di pekadu, ma bu yabrin oreja.

Salmus 40:8

Ña Deus, N kontenti pa fasi bu vontadi; bu lei sta dentru di ña korson.”

Salmus 81:3

Bo toka korneta pa festival, na lua nobu, tambi ora ku lua firma.

Salmus 81:4

Es i regra pa Israel, i un ordi di Deus di Jakó.

Isaias 66:23

Di un lua nobu te na utru, di un dia di diskansu te na utru, jinti di tudu mundu na bin adora ña dianti.” Asin ku SIÑOR fala.

Ezekiel 46:1

Asin ku SIÑOR Deus fala: “Porton di kintal di dentru ku ta fika na ladu di saida di sol i na fika ficadu duranti seis dia di tarbaju, ma na dia di diskansu ku di lua nobu i na yabridu.

Ezekiel 46:6

Na dia di lua nobu i na da un fiju di baka, seis fiju di karnel ku un karnel macu, tudu sin difeitu.

Ezekiel 46:7

I na da 17,5 litru di foriña suma oferta di kumida pa fiju di baka, ku mesmu pa karnel, ma pa fijus di karnel i na da kil ki tene. 3 litru di azeiti ta dadu ku kada 17,5 litru di foriña.

Oseias 2:11

N na kaba ku tudu si gozu: si festivalis anual ku di lua nobu, si dias di diskansu — tudu si kultus.

Sirmonias 1:13

Partis di dentru ku pernas ten ku labadu ku yagu; saserdoti na pursental tudu, i na kemal riba di altar. I na sedu oferta kemadu, pasadu na fugu, ku ta cera sabi dianti di SIÑOR.

Sirmonias 1:3

Si i na pursenta un di si bakas suma oferta kemadu, i ten ku da un macu sin difeitu; i na pursental na entrada di tenda di juntamentu, pa SIÑOR pudi seta si dunu.

Sirmonias 1:9

Partis di dentru ku si pernas e na labadu ku yagu; saserdotis na kema tudu ki partis riba di altar; i na sedu oferta kemadu, pasadu na fugu, ku ta cera sabi dianti di SIÑOR.

Amos 3:5

Kacu na kai na armadilia na con si iska ka pudu pa el? Armadilia ta salta di con sin i ka paña nada?

Amos 8:5

Bo ta fala na sintidu: “No ten dipresa pa lua nobu pasa pa no pudi bindi no miju. Si dia di diskansu kaba son, no na yabri fera di trigu. No na usa midida mas pikininu, no na aumenta pres ku jinti na paga, no ngana jinti ku balansu falsu.

Numerus 10:10

Tambi na dia di bo kontentamentu, suma tambi na bo festivalis markadu, o na lua nobu, bo na toka kornetas riba di bo ofertas kemadu ku ofertas di pas. E na pui bo Deus pa i lembra di bos. Ami i SIÑOR bo Deus.”

Numerus 28:19

Bo na da oferta kemadu pasadu na fugu pa SIÑOR: dus turu nobu, un karnel macu ku seti fiju di karnel, macu, di un anu, tudu sin difeitu.

Gálatas 4:10

Bo ta guarda dias, misis, tempus ku anus.

Kolosensis 2:16

Ka bo disa ningin julga bos pabia di kume o bibi, o pabia di dia sagradu, lua nobu, o dia di diskansu.

Kolosensis 2:6

Manera ku bo risibi Kristu Jesus suma Siñor, asin ku bo ten ku yanda unidu ku el.

1 Samuel 20:5

Davi fala Jonatas: “Jubi, amaña i festival di lua nobu. N dibi di kume ku bu pape, ma disan pa N bai sukundi na lugar te di tardi di ermon di amaña.

1 Samuel 9:12

E ruspundi, e fala elis: “Sin, i sta la bo dianti. Janti; i kumsa ciga na prasa, pabia jinti tene sakrifisiu aos na kau altu.