Numerus 25:11 - BIBLIA - traduson antigu in Krioulo

¹¹ “Fineias, fiju di Eleazar, fiju di saserdoti Aron, i disvia ña raiba ku staba riba di fijus di Israel, pabia el, na se metadi, i mostra mesmu siumi ku ami N sintiba. E ku manda N ka kaba ku fijus di Israel na ña siumi.

Numerus 25:11 ပူးပေါင်းရင်းမြစ်များ

2 Samuel 21:14

E ntera os di Saul ku di si fiju Jonatas na con di Benjamin na Zela, na koba di Kis, pape di Saul; e fasi tudu ku rei manda. Dipus di kila, Deus ruspundi se orason pa se tera.

1 Reis 14:22

Jinti di Judá fasi mal dianti di SIÑOR; pabia di pekadus ke fasi, e mas lantanda nel siumi ku raiba di ki tudu se papes.

Salmus 106:23

I fala kuma i na kaba ku elis, ma Moisés, kil ki kuji, i bai dianti di Deus pa tajal, pa disvia si raiba, pa ka i bin kaba ku elis.

Salmus 106:30

Fineias bin lanta, i kastiga kilis ku peka; duensa bin para.

Salmus 106:31

Pabia des i ojadu justu; asin ki na ojadu pa sempri.

Salmus 78:58

E lantanda si raiba ku se kaus altu di ronia; e disperta si siumi ku se imaẑens labradu.

Saida 20:5

Ka bu mpina pa elis, nin ka bu adora elis, pabia ami i SIÑOR bu Deus, ku ta ten siumi. Kilis ku ta odian, N ta kastiga se maldadi riba di se fijus, netus, ku bisnetus,

Saida 22:5

“Si algin disa si baka kume paja na un lugar o na orta di uvas, si i largal, i bai kume na kau di utru algin, i na paga ku minjor frutu di si propi lugar ku si orta di uvas.

Saida 34:14

Ka bo adora utru deus, pabia nomi di SIÑOR i Siumi; na bardadi el i Deus di siumi.

Ezekiel 16:38

N na julgau suma ku minjeris ku ta kai cai ta julgadu, ku kilis ku ta darma sangi. Na ña raiba ku siumi N na ntregau pa bu matadu.

Naun 1:2

SIÑOR i Deus di siumi ku ta torna vingansa; SIÑOR ta ten raiba ciu, i ta vinga. SIÑOR ta toma vingansa kontra si inimigus, i guarda si raiba kontra elis.

Sofonias 1:18

Nin se prata nin se uru ka na pudi libra elis na dia di raiba di SIÑOR, ma tudu mundu na kabadu ku el ku fugu di si siumi. Di repenti i na kaba ku tudu jinti ku na vivi na mundu.”

Sofonias 3:8

“Asin ami, SIÑOR, N fala: Bo peran, pa dia ku N lanta pa akusa. N rezolvi junta nasons ku renus, pa darma tudu forsa di ña raiba riba delis. N na kaba ku tudu mundu ku fugu di ña siumi.

Numerus 25:10

SIÑOR fala Moisés:

Bon Noba di Jesus Kristu ku Jon 3:36

Kin ku seta Fiju i ta tene vida ku ka ta kaba, ma kin ku ka seta Fiju i ka ta oja vida; kastigu di Deus na fika riba del.

1 Koríntius 10:22

O no na pui Siñor pa i ten siumi? O anos i mas forti di ki el?

2 Koríntius 11:2

N ten siumi di bos suma Deus ten propi, pabia N purpara bos pa pursenta bos suma virẑen puru pa un maridu son, ki Kristu.

Ripitison di Lei 29:20

SIÑOR ka na misti purdal, ma si raiba ku siumi na yardi riba di ki omi. Tudu maldison ku sta skritu ne libru na kai riba del; SIÑOR na tira si nomi na mundu.

Ripitison di Lei 32:16

Pobu di Israel lantanda siumi di SIÑOR pabia di deusis strañu; e pul raiba ku se idulus nujenti.

Ripitison di Lei 32:21

E lantanda ña siumi ku kil ku ka sedu Deus; ku se idulus e pun pa N paña raiba. Asin N na pui elis na kumbosadia ku kilis ku ka sedu pobu; N na pui elis raiba ku un nason ku ka ten ntindimentu.

Ripitison di Lei 4:24

pabia SIÑOR bo Deus i un fugu ku ta kaba ku tudu, un Deus ku ta ten siumi.

Josué 22:13

Asin fijus di Israel manda Fineias, fiju di saserdoti Eleazar, pa tera di Jilead, pa rubenitas, gaditas ku metadi di jorson di Manasés.

Josué 24:19

Josué fala pobu: “Bo ka na pudi sirbi SIÑOR, pabia i sedu Deus puru ku ten siumi di bos; i ka na purda bo disobdiensia nin bo pekadu.