Numerus 24:9 - BIBLIA - traduson antigu in Krioulo

⁹ Si e na diskansa, e ta sta suma lion ku mborka, o suma lion femia. Kin ku ta osa bulil? Kilis ku bensuau, e ta bensuadu; kilis ku maldisuau, e ta maldisuadu.”

Numerus 24:9 ပူးပေါင်းရင်းမြစ်များ

Kumsada 12:3

N na bensua kilis ku bensuau. N na maldisua kilis ku maldisuau. Tudu rasas na mundu na sortiadu pabia di bo.”

Kumsada 27:29

Pa utru jinti sirbiu; nasons pa e mpina bu dianti; pa bu sedu siñor riba di bu ermons; fijus di bu mame pa e mpina bu dianti. Kilis ku ta maldisuau, pa e sedu maldisuadu; kilis ku ta bensuau, pa e sedu bensuadu.”

Kumsada 49:9

Judá, bu sedu un fiju di lion. Bu bai montia, bu mata, bu riba, ña fiju. Suma lion i kurva, i dita; suma lion beju, kin ku na osa dispertal?

1 Reis 10:20

Tambi dozi lion staba riba di ki seis skada, un na kada ladu di kada skada. Nunka i ka kumpuduba kusa suma kila na kualker utru renu.

2 Kronikas 9:18

Ki tronu teneba seis skada, ku kau kumpudu di uru pa diskansa pe, tudu pegadu ku tronu. Nkostu pa diskansa mon staba na kada ladu di asentu, ku un lion lungu di kada nkostu.

Ester 6:13

i konta si minjer Zeres, ku tudu si amigus, tudu ke ku pasa ku el. Si konsijaduris ku si minjer Zeres e falal: “Suma ku Mardokeu, ku bu kumsa kai si dianti, i di jorson di judeus, bu ka na ngaña riba del, ma bu na bin kai si dianti.”

Jo 41:10

Ningin ka ten koraẑen pa kordal. Nta kin ku pudi lanta kontra mi?

Salmus 122:6

Bo ora pa pas di Jerusalen: “Kilis ku amau, pa kusas kuri elis diritu;

Salmus 2:12

Bo beẑa Fiju, pa ka i paña raiba; pa bo ka bin kabadu ku el na kamiñu, pabia si raiba ta rebenta kinti-kinti. Sortiadu tudu kilis ku fiansa nel.

Saida 23:22

Ma si bu pui sintidu pa obi ña palabra, bu fasi tudu ku N fala, N na sedu inimigu di bu inimigus; N na sta kontra kilis ku sta kontra bo.

Isaias 31:4

Asin ku SIÑOR falan: “Lion o fiju di lion, si i paña limaria, i ta pupa riba del. Nin si manga di bakiadur comadu pa junta kontra el, i ka ta medi nin i ka ta panta di se gritu. Asin SIÑOR ku ten tudu puder i na disi pa geria pa difindi monti di Sion.

Mikeias 5:8

Kilis ku sobra di Jakó na sta na metadi di manga di nason, suma lion na metadi di limarias di matu, suma lion nobu na metadi di koral di karnel. Ora ki pasa i ta masa elis, i sapa-sapa elis sin algin pa libra elis.

Numerus 22:12

Deus fala Balaon: “Ka bu bai ku elis, nin ka bu maldisua ki pobu, pabia i pobu bensuadu.”

Numerus 22:6

Di fabur, bin maldisuan e pobu, pabia e forti dimas pa mi. Asin talves N pudi ngaña elis, N tira elis fora de tera, pabia N sibi kuma kil ku bu bensua, i ta sedu bensuadu; kil ku bu maldisua, i ta sedu maldisuadu.”

Numerus 23:24

Ki pobu na lanta suma lion femia; e na mostra se brabesa suma lion ku ka ta diskansa tok i kume kil ki paña, i bibi sangi di kilis ki mata.”

Numerus 24:10

Balak paña raiba pa Balaon, i tokal palmu, i falal: “N comau pa bu bin pui maldison riba di ña inimigus, ma bu bensua ja elis tris bias.

Mateus 25:40

Rei na ruspundi elis: ‘Na bardadi, N na konta bos, kada bias ku bo fasilba pa un de ña ermons mas pikininu, i ami propi ku bo fasil.’

Mateus 25:45

I na ruspundi elis: ‘Na bardadi N na konta bos, kada bias ku bo ka trata un de pikininus, i ami ku bo ka trata.’

Atus 9:5

I punta: “Abo i kin, Siñor?” I ruspundil: “Ami i Jesus, kil ku bu na pirsigi.

Ripitison di Lei 30:7

SIÑOR bu Deus na pui tudu ki maldisons riba di bu inimigus, ku kilis ku ten odiu kontra bo, e pirsigiu.