Numerus 24:8 - BIBLIA - traduson antigu in Krioulo

⁸ Deus tira elis di Ejitu; i da elis forsa suma di un turu brabu. E na kume pobu ku sta kontra elis, e na kebra se os, e na fidi elis ku se fleŝas.

Numerus 24:8 ပူးပေါင်းရင်းမြစ်များ

Salmus 2:9

Bu na manda riba delis ku feru di renansa, bu na kebra-kebra elis suma ku puti ta bida padas padas.”

Salmus 21:12

Bu na pui elis vira kosta, pabia bu ponta elis ku fleŝa.

Salmus 45:5

Bu fleŝas gudu na yentra na korson di inimigus di rei; nasons na kai bas di bo.

Salmus 45:6

O Deus, bu tronu na kontinua pa sempri; na bu renansa bu ta guberna ku justisa.

Saida 23:22

Ma si bu pui sintidu pa obi ña palabra, bu fasi tudu ku N fala, N na sedu inimigu di bu inimigus; N na sta kontra kilis ku sta kontra bo.

Isaias 38:13

N sufri dur tok sol mansi; i sta suma lion na kebra tudu ña os; disna di parmaña te di noti i sta suma bu na kaba ku mi.

Jeremias 50:17

“Israel i suma koral pajigadu, ku lions serka. Purmeru ku bin kume elis i seduba rei di Asiria. Na kabantada Nabukodonosor, rei di Babilonia, i bin kebra se os.

Jeremias 50:9

N na lantanda un grupu di garandi nasons di norti, N pui elis pa e bai kontra Babilonia. E na toma se pusison kontra el, e bai tomal. Se fleŝas na sedu suma omi jitosu di gera, ku ka ta riba sin nada na mon.

Daniel 6:24

Rei da ordi; e tisi ki omis ku keŝaba di Daniel, e bota elis na koba di lions, elis ku se fijus ku se minjeris. E ka cigaba inda na fundu di koba, lions rabata elis, e kebra-kebra se os.

Numerus 14:9

Ka bo sedu rebeldi kontra SIÑOR; ka bo medi jinti di ki tera, pabia e na sedu suma kumida pa nos. E pirdi ja se proteson; SIÑOR sta ku nos; ka bo ten medu delis.”

Numerus 21:5

E fala kontra Deus, tambi kontra Moisés, e punta: “Ke ku manda bu tiranu di Ejitu, pa no bin muri ne lala? Li i ka ten kumida nin yagu; no nfastia ja e koldadi kumida ku ka sabi nada!”

Numerus 23:22

Deus tira elis di Ejitu; i da elis forsa suma di un turu brabu.

Numerus 23:24

Ki pobu na lanta suma lion femia; e na mostra se brabesa suma lion ku ka ta diskansa tok i kume kil ki paña, i bibi sangi di kilis ki mata.”

Mateus 2:15

E fika la tok Erodis muri, pa pudi fasi kil ku Siñor falaba na boka di si anunsiadur: “N coma ña fiju na Ejitu.”

Ripitison di Lei 32:23

“N na monta malis riba delis; N na manda tudu ña fleŝas kontra elis.

Ripitison di Lei 32:42

Ña spada na kume karni; N na caminti ña fleŝas ku sangi, sangi di mortus ku katibus, ku di ŝefis di inimigus.”

Ripitison di Lei 7:1

SIÑOR bu Deus na yentrandau na ki tera ku bu na bai toma pa bo. Ora ku bu yentra, i na tira fora seti nason mas ciu i mas forti di ki bo: eteus, jirgaseus, amoreus, kananeus, perizeus, eveus ku jebuseus.

Josué 2:10

pabia no obi kuma SIÑOR seka yagu di Mar Burmeju pa bos oca bo sai na Ejitu. No obi tambi ke ku bo fasi ki dus rei di amoreus, ku sedu Sion ku Og, ku staba na utru banda di Jordon, manera ku bo kaba ku elis.