Numerus 24:6 - BIBLIA - traduson antigu in Krioulo

⁶ E ta distindi na fila suma riusiñu na kobon, suma jardins lungu di rius, suma arvuris di aloés ku SIÑOR paranta, suma tambi sedrus lungu di yagu.

Numerus 24:6 ပူးပေါင်းရင်းမြစ်များ

Kumsada 13:10

Lo yalsa rostu, i jubi pa bulañas di Jordon, te na prasa di Zoar, i ojal ben reguadu suma jardin di SIÑOR, o suma tera di Ejitu. (Es i seduba antis di SIÑOR kaba ku tera di Sodoma ku Gomora.)

Salmus 1:3

I na sedu suma arvuri ku parantadu lungu di korenti di yagu, ku ta padi si fruta na tempu propi, ku si fojas ka ta konkoñi; tudu ku ki omi fasi i ta kuri diritu.

Salmus 104:16

Arvuris di SIÑOR sta ben reguadu, ki sedrus di Líbanu ki paranta,

Salmus 45:8

Tudu bu ropa tene purfumu di mira, aloés ku kasia. Di palasius di marfin i ta sai musika di korda pa kontentau.

Kantiga di Salomon 6:11

N bai pa orta di nogera, pa oja fruta nobu na kobon, pa N jubi si pe di uva flora, si pe di roman padi ja.

Isaias 41:19

N na paranta arvuris na lala, suma sedru, akasia, murtera ku olivera. Na kau seku N na pui faia, olmeru ku álamu, tudu juntu,

Isaias 58:11

SIÑOR na giau sempri, i na fartandau te na kau seku, i na fortifika bu os. Bu na sedu suma jardin ku ta reguadu diritu, suma fonti ku ka ta falta yagu.

Jeremias 17:18

Libran di borgoña ma pui kilis ku na pirsigin pa e burguñu. Pui elis pa e panta, ma libran di spantu. Tisi dia di mal riba delis, bu kaba ku elis ku kastigu dobru.

Jeremias 31:12

Asin e na bin, e na grita ku kontentamentu na monti di Sion. E na sta kontenti ku rikesas di SIÑOR: trigu, biñu nobu, azeiti, fijus di karnel ku baka. Elis e na sedu suma orta reguadu diritu; nunka mas e ka na yanda tristi.

Ezekiel 47:12

Lungu di riu, na tudu dus ladu, i na ten manga di koldadi arvuris di fruta ku ta kumedu. Se fojas ka na kai, ku fadi pa e falta fruta. E na padi se fruta na kada mis, pabia se yagu sai na kau sagradu. Se fruta na sedu kumida, se foja na sedu mesiñu.”

Joel 3:18

“Na ki dia biñu nobu na ciu na montis, liti na ciu na montisiñus. Tudu rius di Judá na inci yagu. Un fonti na sai yagu na kasa di SIÑOR ku na regua kobon di Sitin.

Numerus 24:5

“Jakó, bu tendas i bonitu, suma tambi kau ku bu mora, o Israel!