Numerus 24:13 - BIBLIA - traduson antigu in Krioulo

¹³ kuma, nin si bu dan bu kasa incidu ku prata ku uru, N ka na pudi pasanta kil ku SIÑOR mandan pa N fasi. N ka pudi fasi nin ben nin mal di ña propi kabesa. Kil ku SIÑOR fala, el ku N na fala.

Numerus 24:13 ပူးပေါင်းရင်းမြစ်များ

1 Reis 13:8

Omi di Deus fala rei: “Nin si bu dan metadi di tudu ku bu tene, N ka na bai ku bo nin N ka na kume pon nin bibi yagu ne kau,

1 Reis 22:14

Mikaias fala: “N jurmenta pa vida di SIÑOR kuma, kil ku SIÑOR falan, el ku N na fala.”

Numerus 16:28

Moisés fala: “Ali ku bo na sibi kuma i SIÑOR ku mandan pa N fasi tudu e kusas; i ka kuma i sai na ña kabesa.

Numerus 22:18

Balaon ruspundi i fala ki ŝefis di Balak: “Nin si Balak dan si kasa incidu ku prata ku uru, N ka pudi fasi kusa, nin pikininu nin garandi, ku sta fora di ordi di SIÑOR ña Deus.

Numerus 22:20

Ki di noti SIÑOR bai pa Balaon, i falal: “Si ki omis bin comau, lanta bu bai ku elis, ma fasi son kil ku N falau.”

Numerus 22:8

Balaon fala elis: “Bo pudi durmi li aos di noti; dipus N ta da bos rasposta, konformi SIÑOR falan.” Asin ki ŝefis di moabitas e fika la ku el.