Numerus 24:1 - BIBLIA - traduson antigu in Krioulo

¹ Manera ku Balaon oja kuma SIÑOR misti bensua Israel, i ka bai bota sorti suma ki fasiba ja, ma i rabida si rostu pa lala.

Numerus 24:1 ပူးပေါင်းရင်းမြစ်များ

Numerus 22:13

Sol mansi; Balaon lanta i fala ki ŝefis di Balak: “Bo riba pa bo tera, pabia SIÑOR ka seta disan pa N bai ku bos.”

Numerus 22:7

Asin, garandis di moabitas ku midianitas bai, e leba diñeru pa paga jambakusndadi, e ciga nunde Balaon, e kontal tudu ku Balak fala.

Numerus 23:15

Balaon fala Balak: “Firma li lungu di bu oferta kemadu; N ta bai la pa kontra ku el.”

Numerus 23:20

N risibi ordi pa N bensua; el i bensua ja; ami N ka pudi disfasil.

Numerus 23:23

Jambakusndadi ka bali kontra Jakó; nin futis ka ten forsa kontra Israel. Disna di gosi, jinti na ba ta fala di Jakó ku Israel: ‘Jubi ke ku Deus fasi!’

Numerus 23:28

Asin Balak leba Balaon, e subi riba di monti Peor ku ta jubi pa banda di lala.

Numerus 23:3

Balaon fala Balak: “Firma li lungu di bu oferta kemadu; ami N na bai jubi si SIÑOR na bin kontra ku mi. Kusa ki mostran, N ta kontau el.” Asin i bai pa un kau altu.

Numerus 23:30

Balak fasi suma ku Balaon pidil, i sakrifika un turu nobu ku un karnel macu na kada altar.

Numerus 31:16

I elis propi ku toma konsiju di Balaon, e tenta fijus di Israel, e pui elis peka kontra SIÑOR na ki kusa ku pasaba na Peor, ku manda i bin ten ki praga na metadi di kumunidadi di SIÑOR.

Apokalipsi 2:14

Ma N ten utru kusas kontra bo, pabia bu tene la utrus ku na sigi nsinamentu di Balaon ku nsina Balak pa i pui fijus di Israel kai na pekadu di kume karni ku matadu pa idulus, tambi di kai ku minjeris.

1 Samuel 24:20

N sibi sertu kuma bu na sedu rei; renu di Israel na fika firmi na bu mon.

1 Samuel 26:2

Saul lanta, i bai pa lala di Zif ku tris mil omi kujidu na Israel, pa bai buska Davi la.

1 Samuel 26:25

Saul fala Davi: “Deus ta bensuau, ña fiju Davi! Bu na bin fasi kusas garandi, bu na tene vitoria.” Asin Davi bai si kamiñu; Saul riba pa si kau.