Numerus 23:19 - BIBLIA - traduson antigu in Krioulo

¹⁹ Deus i ka omi ku ta konta mintida, nin i ka fiju di omi ku ta muda di ideia. Nta i ta fala un kusa, i ka bin fasil? I ta da purmesa, i ka bin kumpril?

Numerus 23:19 ပူးပေါင်းရင်းမြစ်များ

Kumsada 26:3

Mora ne tera un bokadu; ami N na sta ku bo, N na da tudu e teras pa bo ku bu jorson. N na konfirma palabra ku N jurmenta pa Abraon, bu pape.

Kumsada 28:15

Ami N sta ku bo, N na guardau pa nunde ku bu na bai. N na ribantau pa e tera, pabia N ka na disau, tok N fasi ke ku N falau.”

1 Reis 14:11

Kacur na kume jinti di familia di Jeroboan ku muri na prasa; pastrus na kume kilis ku muri na matu. I SIÑOR ku fala!’

2 Reis 15:12

Asin palabra di SIÑOR pa Jeu bin sedu, suma ki falalba: “Bu fijus na sinta na tronu di Israel te na kuartu jorson.”

2 Reis 7:2

Un kapiton, ku rei ngostaba na si mon, i ruspundi omi di Deus, i falal: “Nin ku SIÑOR yabri janela di seu, es pudi sedu me?” Eliseu falal: “Bu na ojal ku uju, ma bu ka na kume nada del.”

1 Kronikas 17:17

Bu na oja es suma un kusa pikininu, o Deus; asin bu fala gosi aserka di familia di bu servu na tempus ku na bin. Abo, SIÑOR Deus, bu na tratan suma un omi importanti.

Salmus 110:4

SIÑOR jurmenta, i ka na maina; i fala: “Abo i saserdoti pa sempri, na yardansa di Melkisedek.”

Salmus 132:11

SIÑOR jurmenta pa Davi ku bardadi, i ka na disvia di ki purmesa. I fala: “N na pui un di bu propi fijus ku bu padi pa i sta na bu tronu.

Salmus 77:9

Deus diskisi di ten pena di nos? O raiba pul pa i ka mostra si amor?” Sela

Salmus 89:34

N ka na kebra ña kontratu, nin N ka na muda kil ku ña boka papia.

Salmus 89:35

N ka na sedu falsu pa Davi. Un bias pa sempri N jurmenta, pa ña nomi sagradu,

Isaias 21:17

Restu di kilis ku ta manda fleŝa, ku sedu tropas mas forti di fijus di Kedar, na sedu puku.” Asin ku SIÑOR, Deus di Israel, fala.

Isaias 31:2

SIÑOR i jiru, i na pui mal pa i bin; i ka na maina fasi kil ki fala. I na lanta kontra jinti ku ta fasi mal, ku kilis ku ta juda elis.

Isaias 40:8

Paja ta seku, si floris ta konkoñi, ma palabra di no Deus ta manti pa sempri.”

Isaias 46:11

Konformi ña planu N na coma un omi di un tera lunju, na ladu di saida di sol, ku na bin suma mañoti. Konformi N fala, asin ki na sedu; Kusa ku N pui sintidu pa fasi, N ta fasil.

Isaias 55:11

asin ku palabra ku N papia na sedu; i ka na riba amonton pa mi, ma i na fasi kil ki di ña vontadi; i na bai dianti na kil ku N mandal pa i fasi.

Jeremias 4:28

Pabia di kila, mundu na cora, seu la riba na torna sukuru, pabia N papia, N disidi; N ka na ripindi nin N ka na riba tras.”

Daniel 4:28

Tudu e kusas bin riba di rei Nabukodonosor.

Oseias 11:9

N ka na kastigau na ña raiba forti; N ka na torna kaba ku Efrain, pabia ami i Deus, N ka sedu omi. Ami i ki algin puru na bo metadi; N ka na bin ku raiba.

Mikeias 7:20

Bu na sedu fiel pa Jakó, bu na sedu bon pa Abraon, suma ku bu jurmenta pa no papes disna di tempu antigu.

Abakuk 2:3

Pabia vison i ka pa gosi, ma i pa un tempu markadu. Si tempu na ciga, i ka na maina. Si i tarda, peral, pabia di sertesa i na bin, i ka na tarda.

Malakias 3:6

“Ami, SIÑOR, N ka ta muda; e ku manda abos, di jorson di Jakó, bo ka kabadu ku el.

Numerus 14:35

Ami, SIÑOR, N fala e kusa. Asin ku N na fasi tudu e pobu mau ku lanta kontra mi. N na kaba ku el ne lala; ali ke na muri tudu.”

Numerus 23:18

Balaon da si anunsiu, i fala: “Balak, lanta bu sukuta; fiju di Zipor, para oreja pa obi ña palabra.

Lukas 21:33

Seu ku tera na pasa, ma ña palabra ka na pasa.

Romanus 11:29

Deus ka ta muda si sintidu pa kilis ki kuji, i pati kusas.

Romanus 9:6

I ka suma palabra di Deus maina. I ka tudu kilis ki di sangi di Israel ku sedu israelita,

2 Timótiu 2:13

Si no ka sedu fiel, el i na sedu fiel na mesmu, pabia i ka pudi nega si kabesa.”

Titu 1:2

na speransa di vida ku ka ta kaba. Deus, ku ka ta konta mintida, falaba ja antis di kumsada di tempu, kuma i na danu e vida.

Ebreus 6:18

Asin i ten e dus kusa ku ka pudi maina, ku Deus ka pudi konta mintida pa el, ku ta danu koraẑen, anos ku sta suguru, manera ku no pega na speransa ku sta no dianti.

Ebreus 7:21

ma pa e saserdoti Deus jurmenta, i falal: “Siñor jurmenta, i ka na maina: ‘Abo i saserdoti pa sempri.’ ”

Tiagu 1:17

Tudu bon pursenti ku tudu kusa diritu ku no patidu, i bin di riba; i disi di Pape, dunu di lus di seu, ku ka ta muda, ku ka tene sombra.

Tiagu 4:5

Bo kuda kuma Skritura fala amonton kuma, spiritu ku Deus pui na nos i kumboseru?

Josué 21:45

Nin un di ki bon palabras ku SIÑOR papiaba pa pobu di Israel i ka maina; tudu bin kumpri.

1 Samuel 15:29

Deus ku sedu Forsa di Israel i ka ta konta mintida, nin i ka ta muda sintidu, pabia i ka sedu omi ku ta muda sintidu.”

1 Samuel 3:12

Si ki dia ciga, N na kumpri kontra Eli tudu kusa ku N fala kontra si familia, disna di kumsada te na kabantada.