Numerus 22:5 - BIBLIA - traduson antigu in Krioulo

⁵ i manda jinti pa Balaon, fiju di Beor, ku staba na si propi tera, na Petor, lungu di riu Eufrates, pa e bai comal, e dal e rekadu: “Ali un pobu sai na Ejitu, e na inci tera, e para li ña dianti.

Numerus 22:5 ပူးပေါင်းရင်းမြစ်များ

Kumsada 13:16

N na fasi bu jorson suma reia, manera ku, si algin pudi fasi konta di reia, asin tambi i pudi fasi konta di bu jorson.

Salmus 105:24

Deus pui si pobu pa e padi ciu; i fasi elis forti mas di ki se inimigus.

Saida 10:15

pabia e kubri tudu ladu di tera tok i torna sukuru. E kume tudu planta ku tudu frutas ku kapli di cuba di pedra. E ka disa nin un foja verdi, ku fadi fiju, na kualker planta na tudu tera di Ejitu.

Mikeias 6:5

Ña pobu, lembra di kil ku Balak, rei di Moab, mistiba fasiu, ku ke ku Balaon, fiju di Beor, ruspundil. Lembra di bias desdi Sitin te na Jilgal, pa bu pudi sibi bon kusas ku SIÑOR fasi.”

Numerus 23:7

Balaon da si anunsiu, i fala: “Balak, rei di moabitas, i manda tisin di Aran, di montañas na saida di sol. I falan: ‘Bin, bu maldisua Jakó pa mi; bin, bu papia kontra Israel.’

Numerus 31:8

Fora di kilis ku muri na gera, e mata sinku rei di midianitas ku sedu Evi, Reken, Zur, Ur ku Reba. E mata tambi Balaon, fiju di Beor, ku spada.

Ripitison di Lei 23:4

E ka sai ku pon ku yagu pa risibiu na kamiñu, oca ku bu na binba di Ejitu, ma e luga Balaon, fiju di Beor, di Petor di Mesopotamia, pa i bin maldisuau.

Ripitison di Lei 23:5

SIÑOR bu Deus ka seta obi Balaon; i fasi ki maldison pa i sedu benson, pabia SIÑOR bu Deus amau.

Josué 13:22

Tambi ki diviñadur Balaon, fiju di Beor, fijus di Israel matal ku spada, juntu ku utrus ke mata.

Josué 24:9

Oca Balak, fiju di Zipor, rei di moabitas, lanta pa geria kontra Israel, i manda coma Balaon, fiju di Beor, pa i bin maldisua bos,

Judas 1:11

Koitadi delis! E bai na kamiñu ku Kain bai. Pa amor di diñeru e murguja na eru suma Balaon. E rafila suma Koré; e pirdi suma el.

Apokalipsi 2:14

Ma N ten utru kusas kontra bo, pabia bu tene la utrus ku na sigi nsinamentu di Balaon ku nsina Balak pa i pui fijus di Israel kai na pekadu di kume karni ku matadu pa idulus, tambi di kai ku minjeris.