Numerus 22:36 - BIBLIA - traduson antigu in Krioulo

³⁶ Oca ku Balak obi kuma Balaon na binba, i sai pa bai dal kontrada na prasa di Moab ku sta na si frontera, na riu Arnon.

Numerus 22:36 ပူးပေါင်းရင်းမြစ်များ

Kumsada 14:17

Oca Abron riba dipus di ngaña Kedorlaomer, ku ki reis ku junta ku el, rei di Sodoma sai pa bai kontra ku el na kobon di Savé, ku sedu kobon di Rei.

Kumsada 18:2

I yalsa uju, i oja tris omi ku firmaba pertu del. I jubi elis, i kuri di porta di tenda pa bai kontra ku elis, i mpina pa con, i fala:

Kumsada 46:29

José manda purpara karu, i bai pa kontra ku Israel, si pape, na Gosen. Oca ki ojal, i barsal, i cora ciu.

Saida 18:7

Asin Moisés bai kontra ku pape di si minjer, i mpina si dianti, i beẑal. E fala ŋutru manteña, e yentra na tenda.

Isaias 16:2

Suma kacus ku tiradu fora di se niñu, e fika e na bua-bua, asin ku minjeris di Moab sta, lungu di kambansa di riu Arnon.

Jeremias 48:20

E na ruspundi: ‘Moab sta na borgoña, pabia i batidu. Bo pupa, bo grita, bo anunsia lungu di riu Arnon kuma Moab danadu.’

Numerus 22:35

Anju di SIÑOR fala Balaon: “Bai ku ki omis, ma bu na fala son palabra ku N na kontau.” Asin Balaon bai ku ki ŝefis di Balak.

Numerus 22:37

Balak punta Balaon: “Nta N ka manda comau ku mpeñu? Ke ku manda bu ka bin purmeru bias? Bu ka fia kuma N pudi pagau ciu?”

Atus 28:15

Ermons di la e obiba ja no noba, e bai danu kontrada na Prasa di Apiu, ku lugar ku comadu Tris Taberna. Oca ku Paulu oja elis, i fala Deus obrigadu, i fika animadu.

Ripitison di Lei 2:24

SIÑOR falanu: “Bo lanta, bo bai kamba riu Arnon. Ali N ntregau Sion, amoreu, rei di Esbon, tudu ku si tera. Kumsa janan tomal, bu bai bu geria ku el.

Ripitison di Lei 3:8

Asin na ki tempu no toma na mon di ki dus rei di amoreus tera na lesti di riu Jordon, desdi riu Arnon te na monti di Ermon.

Ŝefis 11:18

“Dipus e yanda na lala, e boltia tera di edomeus ku di moabitas, e ciga na ladu di lesti di Moab, e sinta na utru banda di riu Arnon, ma e ka yentra na tera di Moab, pabia ki riu Arnon i sedu se frontera.

1 Samuel 13:10

Oca ki na kabanta ja sakrifika ki oferta kemadu, Samuel ciga. Saul bai kontra ku el pa falal manteña.