Numerus 22:12 - BIBLIA - traduson antigu in Krioulo

¹² Deus fala Balaon: “Ka bu bai ku elis, nin ka bu maldisua ki pobu, pabia i pobu bensuadu.”

Numerus 22:12 ပူးပေါင်းရင်းမြစ်များ

Kumsada 12:2

N na fasiu un garandi nason, N na bensuau, N na fasi bu nomi pa i sedu garandi; bu na sedu un benson.

2 Kronikas 31:10

Azarias, ŝef di saserdotis di familia di Zadok, i falal: “Disna ku jinti kumsa na tisi ofertas pa kasa di SIÑOR, no ta kume no farta, no sobra ciu, pabia SIÑOR bensua si pobu. Asin tudu e ofertas e sobra inda.”

Salmus 144:15

Sortiadu i ki pobu ku sta asin; sortiadu i ki pobu ku SIÑOR i se Deus.

Salmus 146:5

Sortiadu i kil ku tene Deus di Jakó suma si Judadur, ku si speransa sta na SIÑOR si Deus,

Isaias 61:9

Se jorson di futuru na kunsidu na metadi di nasons, se fijus na kunsidu na metadi di rasas. Tudu jinti ku oja elis e na kunsi elis suma pobu ku SIÑOR bensua.”

Mikeias 6:5

Ña pobu, lembra di kil ku Balak, rei di Moab, mistiba fasiu, ku ke ku Balaon, fiju di Beor, ruspundil. Lembra di bias desdi Sitin te na Jilgal, pa bu pudi sibi bon kusas ku SIÑOR fasi.”

Numerus 22:11

kuma, un pobu ku sai na Ejitu i bin inci tera; pa N bai maldisua elis; asin talves i pudi geria ku elis, i tira elis fora.”

Numerus 22:13

Sol mansi; Balaon lanta i fala ki ŝefis di Balak: “Bo riba pa bo tera, pabia SIÑOR ka seta disan pa N bai ku bos.”

Numerus 22:6

Di fabur, bin maldisuan e pobu, pabia e forti dimas pa mi. Asin talves N pudi ngaña elis, N tira elis fora de tera, pabia N sibi kuma kil ku bu bensua, i ta sedu bensuadu; kil ku bu maldisua, i ta sedu maldisuadu.”

Numerus 23:23

Jambakusndadi ka bali kontra Jakó; nin futis ka ten forsa kontra Israel. Disna di gosi, jinti na ba ta fala di Jakó ku Israel: ‘Jubi ke ku Deus fasi!’

Numerus 23:3

Balaon fala Balak: “Firma li lungu di bu oferta kemadu; ami N na bai jubi si SIÑOR na bin kontra ku mi. Kusa ki mostran, N ta kontau el.” Asin i bai pa un kau altu.

Numerus 23:8

Kuma ku N pudi maldisua kil ku Deus ka maldisua? O kuma ku N pudi papia mal di kil ku SIÑOR ka papia mal del?

Numerus 24:9

Si e na diskansa, e ta sta suma lion ku mborka, o suma lion femia. Kin ku ta osa bulil? Kilis ku bensuau, e ta bensuadu; kilis ku maldisuau, e ta maldisuadu.”

Mateus 27:19

Oca Pilatus sinta na tribunal, si minjer manda falal: “Ka bu yentra na palabra di ki omi justu, pabia e di noti N sufri dimas na suñu pabia del.”

Romanus 11:29

Deus ka ta muda si sintidu pa kilis ki kuji, i pati kusas.

Efésius 1:3

No ngaba Deus, Pape di no Siñor Jesus Kristu, kil ku bensuanu, i danu tudu bon kusa spiritual na mundu selestial, na no union ku Kristu.

Ripitison di Lei 2:7

SIÑOR bu Deus bensuau na tudu tarbaju ku bu fasi, i toma konta di bo na bu bias na lala garandi. Duranti tudu e korenta anu SIÑOR bu Deus staba ku bo; nada ka faltau.

Ripitison di Lei 23:5

SIÑOR bu Deus ka seta obi Balaon; i fasi ki maldison pa i sedu benson, pabia SIÑOR bu Deus amau.

Ripitison di Lei 28:6

Bu na sortiadu ora ku bu yentra; tambi ora ku bu sai bu na sortiadu.

Ripitison di Lei 33:29

O Israel, abo i sortiadu! Kin ku sedu suma bo, un pobu ku SIÑOR salba? El i bu tajadera ku ta sakurau, tambi i bu spada gloriosu. Pa kila bu inimigus na fika bas di bo; bu na masa elis.”

Ripitison di Lei 7:14

Bu na sedu mas sortiadu di ki tudu utru rasas. I ka na ten ningin na bo metadi, nin macu nin femia, ku ka na pudi padi, nin na metadi di bo limarias tambi.