Numerus 21:4 - BIBLIA - traduson antigu in Krioulo

⁴ E sai di monti di Or pa kamiñu di Mar Burmeju, pa pudi da volta di tera di Edon, ma pobu pirdi pasensa na kamiñu.

Numerus 21:4 ပူးပေါင်းရင်းမြစ်များ

2 Reis 3:8

Kal kamiñu ku no na bai?” Joran falal: “No na bai na kamiñu ku pasa na lala di Edon.”

Saida 6:9

Moisés konta fijus di Israel ki palabras, ma e nega obil, manera ke fika disanimadu pabia di katiberasku duru.

Numerus 14:25

Amalekitas ku kananeus e mora na kobon. Amaña bo na vira, bo bai pa lala, na kamiñu di Mar Burmeju.”

Numerus 20:27

Moisés fasi manera ku SIÑOR falal. E subi na monti di Or na uju di tudu pobu.

Numerus 32:7

Ke ku manda bo na disanima korson di fijus di Israel pa e disisti bai pa tera ku SIÑOR da elis?

Numerus 32:9

E ciga na kobon di Eskol, e oja tera. Dipus ke riba e disanima korson di fijus di Israel, pa e ka yentra na tera ku SIÑOR da elis.

Numerus 33:41

Di monti di Or te na bulañas di Moab, israelitas sinta ne lugaris: Zalmona, Punon, Obot, montisiñus di Abarin na frontera di Moab, Dibon-Gad, Almon-Diblatain, montis di Abarin dianti di Nebu, ku na bulañas di Moab, lungu di Jordon di Jerikó, na metadi di Bet-Jesimot ku Abel-Sitin.

Atus 14:22

e fortifika krentis, e konsija elis pa e kontinua firmi na fe; e fala elis kuma, pa no yentra na renu di Deus, i pirsis pasa manga di sufrimentu.

Ripitison di Lei 1:40

ma abos, bo rabida, bo pega kamiñu di Mar Burmeju, bo bai pa lala.”

Ripitison di Lei 2:1

No rabida no pega kamiñu di Mar Burmeju pa lala, suma ku SIÑOR falanba; no leba manga di tempu pa boltia montaña di Seir.

Ŝefis 11:18

“Dipus e yanda na lala, e boltia tera di edomeus ku di moabitas, e ciga na ladu di lesti di Moab, e sinta na utru banda di riu Arnon, ma e ka yentra na tera di Moab, pabia ki riu Arnon i sedu se frontera.