Numerus 21:34 - BIBLIA - traduson antigu in Krioulo

³⁴ SIÑOR fala Moisés: “Ka bu ten medu del, pabia N ntregal na bu mon, ku tudu si jinti, ku si tera. Fasil suma ku bu fasi Sion, rei di amoreus, ku moraba na Esbon.”

Numerus 21:34 ပူးပေါင်းရင်းမြစ်များ

2 Samuel 5:19

Davi konsulta SIÑOR, i puntal: “N pudi bai kontra filisteus? Bu na ntregan elis na ña mon?” SIÑOR falal: “Bai, pabia N na ntrega filisteus na bu mon.”

1 Reis 20:13

Un anunsiadur ciga nunde Akab, rei di Israel, i falal: “Asin ku SIÑOR fala: ‘Bu oja ki garandi multidon? N na ntrega elis na bu mon aos, pa bu sibi kuma ami i SIÑOR.’ ”

1 Reis 20:28

Ki omi di Deus ciga i fala rei di Israel: “Asin ku SIÑOR fala: ‘Suma ku sirianus fala kuma SIÑOR i Deus di montis, i ka Deus di kau rasu, N na ntrega e garandi multidon na bu mon, pa bu sibi kuma ami ki SIÑOR.’ ”

2 Reis 3:18

Ma es i ka nada inda pa SIÑOR. I na ntrega tambi moabitas na bo mon.

Isaias 41:13

Ami, SIÑOR bu Deus, N pegau na bu mon direita, N falau: Ka bu medi, pabia N na judau.

Numerus 14:9

Ka bo sedu rebeldi kontra SIÑOR; ka bo medi jinti di ki tera, pabia e na sedu suma kumida pa nos. E pirdi ja se proteson; SIÑOR sta ku nos; ka bo ten medu delis.”

Numerus 32:4

tera ku SIÑOR ngaña dianti di pobu di Israel, i con di kria baka; bu servus gora e tene bakas.

Ripitison di Lei 2:30

Sion, rei di Esbon, i nega disanu pasa na si tera, pabia SIÑOR bu Deus pui si spiritu bida duru, i dal korson ntemus, pa i pudi ntregal na bu mon, suma ku bu oja aos.

Ripitison di Lei 20:3

i fala elis: “Omis di Israel, bo sukuta. Aos bo na bai geria ku bo inimigus; ka bo pirdi animu; ka bo ten medu nin ka bo tirmi, nin ka bo panta se dianti,

Ripitison di Lei 3:1

Dipus, no rabida no bai na kamiñu di Basan. Og, rei di Basan, i sai ku tudu si tropas pa geria ku nos na Edrei.

Ripitison di Lei 3:11

(Son Og, rei di Basan, ku sobraba inda di jigantis. Si kama di feru, ku teneba 4 metru di kumprimentu ku kuas 2 metru di largura, konformi midida normal, i sta na prasa di Rabá, na tera di amonitas.)

Ripitison di Lei 31:6

Bo sedu forti, bo ten koraẑen; ka bo ten medu nin ka bo panta se dianti, pabia SIÑOR bo Deus, i el ku na bai ku bos. I ka na disa bos nin i ka na bandona bos.”

Ripitison di Lei 7:17

Bu pudi fala na bu sintidu: “Ki jinti e mas ciu di ki mi; kuma ku N na pudi tira elis fora?”

Ripitison di Lei 7:18

Ka bu ten medu delis, ma lembra sempri di kil ku SIÑOR bu Deus fasi Faraó ku tudu ejipsius.

Ripitison di Lei 7:21

Ka bo panta se dianti, pabia SIÑOR bo Deus ku sta na bo metadi i Deus garandi i meduñu.

Ripitison di Lei 7:24

I na ntrega se reis na bu mon, pa bu mata elis tok se nomis ka na lembradu mas. Nin un omi ka na pudi firma kontra bo; bu na kaba ku elis.

Josué 10:25

Josué fala elis: “Ka bo ten medu, nin ka bo panta. Bo sedu forti, bo ten koraẑen, pabia asin ku SIÑOR na fasi tudu bo inimigus ku bo na geria ku elis.”

Josué 10:8

SIÑOR fala Josué: “Ka bu ten medu delis, pabia N dau ja elis na bu mon; nin un delis ka na pudi firma bu dianti.”

Josué 8:7

Na ki ora bo na sai na kau ku bo sukundi nel, bo toma prasa, pabia SIÑOR bo Deus na da bos el na bo mon.

Ŝefis 11:30

Jeftá fasi un purmesa pa SIÑOR, i fala: “Si bu dan fijus di Amon na ña mon,

1 Samuel 23:4

Davi torna konsulta SIÑOR. SIÑOR ruspundi i falal: “Lanta bu bai pa Keila, pabia N ntrega filisteus na bu mon.”