Numerus 20:16 - BIBLIA - traduson antigu in Krioulo

¹⁶ Oca no coma SIÑOR, el i obi no fála, i manda un anju, i tiranu di Ejitu. Ali no sta na prasa di Kades, na frontera di bu tera.

Numerus 20:16 ပူးပေါင်းရင်းမြစ်များ

Saida 14:10

Oca ku Faraó na pertu, fijus di Israel jubi, e oja ejipsius na bin se tras; e panta dimas, e grita pa SIÑOR.

Saida 14:19

Anju di Deus ku staba dianti di pobu di Israel i rakua pa tras delis; kuluna di nuven tambi i sai dianti, i bai pa tras delis,

Saida 23:20

“Jubi, N na manda un anju bu dianti pa guardau ne kamiñu; i na lebau pa ki lugar ku N purpara pa bo.

Saida 33:2

N na manda un anju bu dianti, N tira kananeus, amoreus, eteus, perizeus, eveus ku jebuseus pa fora.

Saida 6:5

Gosi N obi fijus di Israel na jimi, manera ke sta na katiberasku na mon di ejipsius. N lembra di ña kontratu.

Daniel 6:22

Ña Deus manda si anju ku fica boka di lions pa e ka molostan, pabia N ojadu sin kulpa si dianti. Tambi N ka fasi mal kontra Ñu Rei.”

Numerus 20:15

No papes di antigu bai pa Ejitu; no mora la manga di tempu. Ejipsius maltratanu, anos ku no papes.

Numerus 21:22

“Disanu pasa na bu tera; no ka na panti na lugaris labradu nin na ortas di uva; no ka na bibi yagu di nin un fonti, ma no na yanda son na strada prinsipal tok no kaba pasa na bu tera.”

Ripitison di Lei 4:34

O i ten un Deus ku bai toma un pobu na metadi di utru nason pa i sedu di sil, suma ku SIÑOR bo Deus fasi pa bos na Ejitu? Dianti di bo uju i distindi si mon forti, i manda praga ku gera, i fasi garandi milagris ku kusas meduñu.

Ripitison di Lei 4:37

Manera ki ama bu papes, i kuji se jorson, e ku manda el propi i tirau di Ejitu ku si garandi forsa,

Josué 15:1

Es i tera ku sorti da familias di jorson di Judá, desdi frontera di Edon, pa lala di Zin, te na banda mas pa sul.