Numerus 20:14 - BIBLIA - traduson antigu in Krioulo

¹⁴ Oca elis na Kades, Moisés manda jinti pa rei di Edon pa e falal: “Asin ku bu ermon Israel fala: Bu sibi tudu kansera ku bin riba di nos.

Numerus 20:14 ပူးပေါင်းရင်းမြစ်များ

Kumsada 25:23

SIÑOR falal: “Dus nason ku sta na bu bariga. Bu na padi dus jorson ku na separa. Un jorson na sedu mas forti di ki ki utru; Ki mas garandi na sirbi ki mas pikininu.”

Kumsada 25:25

Purmeru padidu burmeju, kurpu kubridu ku kabelu suma ropa di kabelu. Pabia di kila, i pudu nomi di Esaú.

Kumsada 25:26

Dipus si ermon padidu; si mon pega kalkañada di Esaú. Pabia di kila, i pudu nomi di Jakó. Isak teneba sesenta anu kontra e padidu.

Kumsada 32:29

Jakó puntal: “Di fabur, kontan bu nomi.” I puntal: “Ke ku manda bu misti sibi ña nomi?” I bensual na ki kau.

Saida 18:8

Moisés kontal tudu kusas ku SIÑOR fasi Faraó ku pobu di Ejitu pa amor di Israel; i da pasada di manera ku SIÑOR libra elis, suma tambi di tudu kansera ke pasa na kamiñu.

Amos 1:11

Asin ku SIÑOR fala: “Pabia di pekadu di pobu di Edon ke torna buri manga di bias, N ka na purda elis, pabia e pirsigi se ermon, ku sedu jorson di Jakó, ku spada, e fica se korson kontra el. Se raiba ka tene kontrolu; kaba e ta guardal pa sempri.

Malakias 1:2

SIÑOR fala: “N ama bos.” Ma bo punta: “Kuma ku bu mostra bu amor pa nos?” SIÑOR punta: “Nta, Esaú ka seduba ermon di Jakó? Ma N ama Jakó,

Numerus 13:26

e ciga nunde Moisés ku Aron ku tudu kumunidadi di Israel na Kades na lala di Paran, e da elis relatoriu di se bias, e mostra elis ki fruta ke tisi di Kanaan.

Numerus 20:15

No papes di antigu bai pa Ejitu; no mora la manga di tempu. Ejipsius maltratanu, anos ku no papes.

Numerus 20:22

Tudu kumunidadi di fijus di Israel sai di Kades, e bai pa monti di Or.

Ripitison di Lei 23:7

Ka bu nuju un edomeu, pabia i bu ermon, nin ka bu nuju un ejipsiu, pabia bu seduba stranjeru na si tera.

Josué 2:10

pabia no obi kuma SIÑOR seka yagu di Mar Burmeju pa bos oca bo sai na Ejitu. No obi tambi ke ku bo fasi ki dus rei di amoreus, ku sedu Sion ku Og, ku staba na utru banda di Jordon, manera ku bo kaba ku elis.

Josué 2:9

i fala elis: “Bardadi, N sibi kuma SIÑOR da bos e tera, tambi N sibi kuma un medu garandi pa bos kai riba di nos; tudu jinti ku mora ne tera, se korson na dismaja pabia di bos,

Josué 9:10

ku kil ki fasi ki dus rei di amoreus ku staba na utru ladu di Jordon, ku sedu Sion, rei di Esbon, ku Og, rei di Basan, ku staba na Astarot.

Josué 9:9

E ruspundil: “Bu servus bin di un tera lunju pabia di nomi di SIÑOR bu Deus, pabia no obi si fama, ku tudu kusa ki fasi na Ejitu,