Numerus 2:2 - BIBLIA - traduson antigu in Krioulo

² “Fijus di Israel ten ku pui se tendas tudu na roda di tenda di juntamentu, kada kin bas di si bandera, konformi emblema di si familia.

Numerus 2:2 ပူးပေါင်းရင်းမြစ်များ

Salmus 74:4

Bu inimigus na grita na metadi di lugar di juntamentu; e yalsa se banderas suma sinal.

Salmus 76:11

Bo fasi purmesas, bo kumpril pa SIÑOR bo Deus; nasons ku sta na roda pa e tisi pursentis pa kil ke dibi di medi.

Isaias 12:6

Abos ku mora na Sion, bo yalsa fála, bo kanta ku kontentamentu, pabia Deus Santu di Israel i garandi na bo metadi.”

Isaias 18:3

Abos, tudu jinti ku mora ne mundu, ora ku bandera yalsadu na montis, bo na ojal; ora ku korneta tokadu, bo na obil.

Ezekiel 43:7

i falan: “Fiju di omi, es i kau di ña tronu, i kau pa ña pe nunde ku N na mora na metadi di fijus di Israel pa sempri. Nin pobu di Israel nin se reis ka na kontamina mas ña nomi sagradu ku se idulus nujenti ku difuntus di se reis ke ntera na kaus altu.

Zakarias 9:16

SIÑOR se Deus na salba elis na ki dia, suma koral di si pobu. E na lampra na si tera suma pedras di balur na un koroa.

Numerus 1:50

Pui levitas pa e toma konta di tenda di tustumuñu, ku tudu si ekipamentu, ku tudu ku pertensil. I elis ku na karga tenda ku tudu si ekipamentu, e na toma konta del, e pui se kampamentu na roda del.

Numerus 10:14

Tropas di kampamentu di Judá bai purmeru, ku se bandera. Se ŝef i Naason, fiju di Aminadab.

Numerus 10:18

Dipus tropas di kampamentu di Ruben e bai, ku se bandera. Se ŝef i Elizur, fiju di Sedeur.

Numerus 10:22

Dipus tropas di kampamentu di Efrain e bai, ku se bandera. Se ŝef i Elisama, fiju di Amijud.

Numerus 10:25

Na kabantada, tropas di kampamentu di Dan e bai ku se bandera suma guarda di tras. Se ŝef i Aiezer, fiju di Amisadai.

Numerus 2:1

SIÑOR da Moisés ku Aron e ordis:

Numerus 2:10

“Na ladu di sul, kilis ku sta bas di bandera di kompañia di Ruben ena kampa konformi se jorsons, ku se ŝefis, de manera: Di Ruben, ŝef Elizur, fiju di Sedeur 46.500 di Simeon, ŝef Selumiel, fiju di Zurisadai 59.300 di Gad, ŝef Eliasaf, fiju di Deuel 45.650 Total 151.450 Kompañia di Ruben na sedu sugundu ku na marŝa.

Numerus 2:3

Na ladu di saida di sol, kilis ku sta bas di bandera di kompañia di Judá e na pui tendas konformi se jorsons, kada jorson ku si ŝef, de manera: Di Judá, ŝef Naason, fiju di Aminadab 74.600 di Isakar, ŝef Netanel, fiju di Zuar 54.400 di Zebulon, ŝef Eliab, fiju di Elon 57.400 Total 186.400 Kompañia di Judá na marŝa purmeru.

Numerus 24:2

Oca ki yalsa si uju, i oja pa Israel, kampadu konformi si jorsons. Spiritu di Deus bin riba del,

1 Koríntius 14:33

pabia Deus i ka Deus di kunfuson, ma i Deus ku ta da pas. Suma na tudu juntamentu di pobu di Deus,

1 Koríntius 14:40

Tudu dibi di fasidu diritu, ku ordi.

Filipensis 1:27

Kusa importanti i pa bo manera di vivi sedu dignu di Bon Noba di Kristu, pa nin si N bai jubi bos o nau, N pudi obi kuma bo sta firmi na un sintidu son, bo na geria juntu pa fe di Bon Noba, ku un pensamentu son.

Kolosensis 2:19

e larga Kristu ku sedu kabesa. Bas di kabesa, kurpu tudu i ta alimentadu. Juntas ku ligamentus e ta ligal na un son, pa i kirsi suma ku Deus misti.

Josué 3:4

pa bo pudi kunsi kamiñu ku bo dibi di bai, pabia nunka bo ka ciga di yanda ne kamiñu. Ma bo na disa spasu di kuas mil metru na metadi di bos ku arka; ka bo ciga pertu del.”