Numerus 19:7 - BIBLIA - traduson antigu in Krioulo

⁷ Dipus i na laba si ropa; tambi i na laba kurpu. Asin i pudi yentra na kampamentu, ma i na fika impuru te di tardi.

Numerus 19:7 ပူးပေါင်းရင်းမြစ်များ

Sirmonias 11:24

E pudi pui pa bo sedu impuru. Kil ku toka na se kadaver, i na fika impuru te di tardi.

Sirmonias 11:25

Kil ku pega se kadaver i na laba si ropa, i na fika impuru te di tardi.

Sirmonias 11:27

Tudu limaria di kuatru pata ku si uña ka findi i ka na sedu puru pa bos; kil ku toka na se kadaver i na fika impuru te di tardi.

Sirmonias 11:28

Kil ku pega se kadaver i na laba si ropa, i na fika impuru te di tardi. Ki limarias ka na sedu puru pa bos.

Sirmonias 11:31

Esis na metadi di kilis ku ta rasta na con e ka na sedu puru pa bos. Kualker algin ku toka nelis dipus de muri i na fika impuru te di tardi.

Sirmonias 11:32

Si un desis muri, i kai riba di kualker kusa, ki kusa na fika impuru, nin si ki kusa sedu di madera, fazenda, kuru o saku, o kualker feramentu ku ta fasidu tarbaju ku el; i na mitidu na yagu, i na fika impuru te di tardi; dipus i na sedu puru.

Sirmonias 11:39

“Si kualker limaria ku ta kumedu muri, kin ku toka na si kadaver i na fika impuru te di tardi.

Sirmonias 11:40

Algin ku kume ki kadaver i na laba si ropa, i na fika impuru te di tardi. Kil ku leba ki kurpu mortu tambi i na laba si ropa, i na fika impuru te di tardi.

Sirmonias 14:46

“Algin ku yentra na ki kasa kontra i diklaradu ficadu i na sedu impuru te di tardi.

Sirmonias 15:5

Kualker algin ku toka na si kama, i na laba si ropa, i laba kurpu ku yagu, i na fika impuru te di tardi.

Sirmonias 22:6

Saserdoti ku toka na kualker desis i na fika impuru te di tardi. I ka na pudi kume kusas sagradu te ora ki laba si kurpu ku yagu.

Numerus 19:10

Ki omi ku paña sinsa di baka i na laba si ropa, i fika impuru te di tardi. Es na sedu un lei pa sempri pa fijus di Israel ku stranjerus ku mora na se metadi.

Numerus 19:19

Na terseru ku setimu dia, ki algin ku sta puru i na waga ki yagu riba di kil ku sta impuru; na setimu dia i na purifikal. Dipus ki omi na laba si ropa ku si kurpu ku yagu; di tardi i na sta puru.

Numerus 19:21

Es i lei pa sempri pa elis. Ki algin ku waga yagu di purifikason i na laba si ropa. Kil ku toka na ki yagu di purifikason i na fika impuru te di tardi.

Numerus 19:22

Kualker kusa ku algin impuru toka nel, ki kusa na torna impuru tambi. Algin ku toka na ki kusa i na fika impuru te di tardi.”

Numerus 19:8

Ki omi tambi ku kema baka i na laba si ropa ku yagu, tudu ku si kurpu; i na fika impuru te di tardi.

Ebreus 13:11

Ŝef di saserdotis ta leba sangi di limaria pa lugar mas sagradu di tudu pa ronia pa pekadu, ma karni di ki limaria i ta kemadu fora di kampamentu.