Numerus 19:13 - BIBLIA - traduson antigu in Krioulo

¹³ Tudu algin ku toka na kadaver di un difuntu, i ka bin purifika, i na kontamina tabernakulu di SIÑOR. Ki algin na tiradu na Israel. I na fika impuru pabia yagu di purifikason ka wagadu riba del; si impuresa na fika riba del.

Numerus 19:13 ပူးပေါင်းရင်းမြစ်များ

Saida 30:33

Kualker algin ku kumpu azeiti suma es, o i bai unta algin ku ka sedu saserdoti, i na tiradu na metadi di si pobu.’ ”

Ditus 14:32

Omi mau, si propi maldadi na batil, ma justu i ten speransa, mesmu na si mortu.

Ezekiel 44:26

Dipus ki purifika, i ten ku leba seti dia.

Sirmonias 15:31

“Asin bo ten ku guarda fijus di Israel separadu di kusas ku ta fasi elis impuru, pa e ka bin susa ña tenda nunde ku N mora na se metadi. Si e fasi asin, e na muri na se impuresa.”

Sirmonias 20:3

N na vira kontra ki omi, N na tiral na metadi di si pobu, pabia, manera ki da si fiju pa Molok, i kontamina ña kau sagradu, i dana ña santu nomi.

Sirmonias 22:3

Di li pa dianti, kualker omi di bo jorson ku sta impuru ku bin ciga pertu di ofertas sagradu ku fijus di Israel pursenta pa SIÑOR, si dunu na tiradu dianti di ña rostu. Ami i SIÑOR.

Sirmonias 22:4

“Si kualker algin di jorson di Aron tene mpincu ku ta kamba, o i tene kusa ku na sai nel, i ka pudi kume kusas sagradu te ora ki sta puru, suma tambi algin ku toka na un kusa ku difuntu kontamina, o algin ku simenti di kopula sai nel,

Sirmonias 5:17

“Si algin peka, sin i ka sibi, i fasi un kusa ku mandamentus di SIÑOR fala pa ka fasi, i na kulpadu, i na leba si kulpa.

Sirmonias 5:3

Ora ki toka na kusa impuru di un omi, kualker kusa ku pudi fasil i kontamina, si i ka nota, ma i bin sibil dipus, i na sedu kulpadu.

Sirmonias 5:6

Pa purdon di ki pekadu ki fasi, i na tisi pa SIÑOR un fiju femia di karnel o di kabra, suma oferta pa pekadu. Saserdoti na fasi sakrifisiu pa el pa si pekadu pudi purdadu.

Sirmonias 7:20

Si algin impuru kume karni di oferta di pas ku sedu di SIÑOR, ki algin na tiradu na metadi di si pobu.

Sirmonias 7:21

Si algin toka na un kusa impuru, di omi o di limaria, o kualker utru kusa nujenti o impuru, i bin kume ki karni di oferta di pas ku sedu di SIÑOR, ki algin na tiradu na metadi di si pobu.”

Numerus 15:30

“Ma si algin ntema i fasi mal, nin ki fiju di Israel o stranjeru, i na tiradu na metadi di pobu pabia i njuti SIÑOR,

Numerus 19:14

“Si algin muri na un tenda, es i lei: Tudu algin ku yentra na ki tenda, ku kin ku sta la, i na fika impuru pa seti dia.

Numerus 19:18

Un omi ku sta puru na toma un ramu di isopi, i mojal na yagu, i waga na ki tenda, riba di mobilia, ku tudu jinti ku mati, ku kil ku toka na os, ku kil ku toka na un algin ku matadu o ku muri, o ku toka na kau di nteru.

Numerus 19:19

Na terseru ku setimu dia, ki algin ku sta puru i na waga ki yagu riba di kil ku sta impuru; na setimu dia i na purifikal. Dipus ki omi na laba si ropa ku si kurpu ku yagu; di tardi i na sta puru.

Numerus 19:20

Si ki algin impuru ka purifika, i na tiradu na kumunidadi, pabia i kontamina santuariu di SIÑOR. Yagu di purifikason ka wagadu riba del; i na fika impuru.

Numerus 19:9

“Un omi ku sta puru i na paña sinsa di baka, i na pul na un kau puru fora di kampamentu; i na guardadu pa kumunidadi di fijus di Israel pa pui na yagu di purifikason. Ki baka i sedu oferta pa pekadu.

Numerus 8:7

de manera: Waga yagu di purifikason riba delis, bu pui elis pa e rapa tudu se kurpu, e laba se ropa. Asin e na sta puru.

Numerus 9:13

Ma si un omi sta puru, i ka bai bias, ma i ka guarda Paskua, i na tiradu na metadi di ña pobu, pabia i ka da oferta di SIÑOR na tempu markadu. Ki omi na fika ku kulpa di si pekadu.

Bon Noba di Jesus Kristu ku Jon 8:24

E ku manda N fala bos kuma bo na muri na bo pekadu, pabia si bo ka fia kuma N sedu kil ku N sedu, bo ta muri na bo pekadu.”

Ebreus 10:29

Nta ke ku bo oja di algin ku masa Fiju di Deus, ku tene sangi di kontratu ki santifikadu ku el suma kusa lebi, ku papia mal kontra Spiritu di grasa? Bo kuda kuma ki na mersi kastigu mas pior inda!

Ebreus 9:10

pabia i un kusa ku na fasidu son ku kumida, ku bibida, ku manga di sirmonia pa limpesa. E kusas tudu di fora, e pudu son te na tempu ku Deus na pui nobu ordi.

Apokalipsi 21:8

Ma pa kilis ku kobardu, ku kilis ki ka fiel, ku jinti di vida susu, ku mataduris, kaiduris di cai, botaduris di sorti, kilis ku ta adora idulus, ku tudu munturusis, se lugar i na sedu na lagua ku na yardi ku fugu ku nŝofri; i el ki sugundu mortu.”

Apokalipsi 22:11

Kil ki mau, pa i kontinua na si malvadesa; kil ki susu pa i fika na si susidadi; kil ki bon pa i kontinua na si bondadi; kil ki puru, pa i kontinua sedu puru.”

Apokalipsi 22:15

Kilis ku ta fasi suma kacur e ten ku fika fora, ku botaduris di sorti, ku kilis ku ta fasi pekadu seksual, ku mataduris, ku adoraduris di idulus, ku kilis ku gosta di konta mintida.