Numerus 18:4 - BIBLIA - traduson antigu in Krioulo

⁴ Ma e na sta juntu ku bo, pa e fasi tudu tarbaju na tenda di juntamentu; nin utru algin ka pudi ciga pertu di kau ku bo sta nel.

Numerus 18:4 ပူးပေါင်းရင်းမြစ်များ

Ezekiel 44:14

N na nkarga elis sirvis di templu ku tudu tarbaju ku ta fasidu la.

Numerus 1:51

Ora ku bo na kontinua bias, levitas na dismanca tenda; e na torna kumpul ora ku bo ciga na utru kau di kampamentu. Kualker utru algin ku ciga pertu del i ten ku matadu.

Numerus 1:53

Levitas na pui se tendas na roda di tenda di tustumuñu, pa N ka bin paña raiba di tudu fijus di Israel. Levitas i kilis ku nkargadu di guarda tenda di tustumuñu.”

Numerus 18:3

Levitas na sta bas di bo pa fasi tarbaju na tenda, ma e ka na ciga pertu di altar nin di kualker kusa ku sta na santuariu, pa ka e muri, nin abos tambi pa ka bo muri.

Numerus 18:5

“Abo ku bu fijus ku na toma konta di santuariu ku altar, pa ka raiba torna bin kai mas riba di fijus di Israel.

Numerus 3:10

ma bu na pui Aron ku si fijus pa e fasi sirvis di saserdoti. Utru algin ku ciga pa fasi ki sirvis ten ku matadu.”

Numerus 31:30

Na parti ku na bai pa fijus di Israel bo na toma un na kada sinkuenta, nin si i jinti, bakas, burus, karnel o utru limarias. Bo na dal pa levitas ku ta toma konta di tenda di SIÑOR.”

Numerus 8:26

E pudi bai juda se ermons na tarbaju ke ten ku fasi na tenda di juntamentu, ma elis propi e ka na toma konta di sirvis. Asin ku bu na ranja sirvis di levitas.”

1 Samuel 6:19

SIÑOR mata setenta omi di Bet-Semes pabia e jimpini dentru di arka di SIÑOR. Pobu fika tristi dimas, manera ku SIÑOR fasi ki matansa na se metadi.