Numerus 18:3 - BIBLIA - traduson antigu in Krioulo

³ Levitas na sta bas di bo pa fasi tarbaju na tenda, ma e ka na ciga pertu di altar nin di kualker kusa ku sta na santuariu, pa ka e muri, nin abos tambi pa ka bo muri.

Numerus 18:3 ပူးပေါင်းရင်းမြစ်များ

Ezekiel 44:13

E ka na ciga ña dianti pa fasin tarbaju di saserdoti, nin e ka na ciga pertu di nin un di ña kusas sagradu, nin ña ofertas mas sagradu, ma e na leba borgoña di pekadus nujenti ke fasi.

Numerus 1:51

Ora ku bo na kontinua bias, levitas na dismanca tenda; e na torna kumpul ora ku bo ciga na utru kau di kampamentu. Kualker utru algin ku ciga pertu del i ten ku matadu.

Numerus 1:53

Levitas na pui se tendas na roda di tenda di tustumuñu, pa N ka bin paña raiba di tudu fijus di Israel. Levitas i kilis ku nkargadu di guarda tenda di tustumuñu.”

Numerus 16:40

suma ku SIÑOR falaba na boka di Moisés. Es i pa lembranta fijus di Israel kuma ningin ku ka sedu di jorson di Aron i ka pudi ciga pa kema nsensu dianti di SIÑOR, pa i ka kontisi ku el suma ki sedu ku Koré ku si jinti.

Numerus 18:4

Ma e na sta juntu ku bo, pa e fasi tudu tarbaju na tenda di juntamentu; nin utru algin ka pudi ciga pertu di kau ku bo sta nel.

Numerus 18:7

ma abo son ku bu fijus ku na sedu saserdotis, pa toma konta di tarbaju di altar, ku di lugar tras di kurtina. N da bos e fabur di tarbaja suma saserdotis. Kualker utru algin ku ciga pertu di kau sagradu i na muri.”

Numerus 3:25

Kargu di fijus di Jerson na tenda di juntamentu i seduba pa toma konta di tenda ku si kubertura, ku kurtina na entrada,

Numerus 3:31

Se kargu seduba pa toma konta di arka, mesa, kanderu, altaris, ku vasus ku ta usadu pa sirvis di santuariu, ku kurtina di kau mas sagradu, ku tudu sirvis ligadu ku ki kusas.

Numerus 3:36

Kargu di fijus di Merari i seduba taguas di tabernakulu, ku si varas, si firkijas ku pes ke ta mitidu nel, tudu si ekipamentu, ku tudu sirvis ligadu ku ki kusas,

Numerus 31:30

Na parti ku na bai pa fijus di Israel bo na toma un na kada sinkuenta, nin si i jinti, bakas, burus, karnel o utru limarias. Bo na dal pa levitas ku ta toma konta di tenda di SIÑOR.”

Numerus 4:15

“Na ora di munda di kampamentu, fijus di Koat na bin pa leba kusas di santuariu, ma son dipus di Aron ku si fijus kaba kubri tudu ekipamentu sagradu. E ka dibi di toka na kusas sagradu; si e toka nelis, e na muri. Fijus di Koat ten ku karga ki kusas di tenda di juntamentu.