Numerus 18:20 - BIBLIA - traduson antigu in Krioulo

²⁰ SIÑOR fala mas ku Aron: “Na se tera bu ka na tene nin un yardansa; bu ka na tene nin un parti na se metadi. Ami N sedu bu parti ku bu yardansa na metadi di fijus di Israel.

Numerus 18:20 ပူးပေါင်းရင်းမြစ်များ

Kumsada 15:1

Dipus de kusas tudu pasa, SIÑOR bin papia ku Abron na vison, i falal: “Abron, ka bu ten medu. Ami i bu tajadera; N sedu bu garandi premiu.”

Salmus 142:5

Abo ku N coma, SIÑOR; N fala: “Abo i ña kau suguru; abo i ña kiñon na tera di jinti bibu.”

Salmus 16:5

Abo, SIÑOR, ku sedu ña yardansa, bu dan alegria, bu fasi ña sorti suguru.

Salmus 73:26

Ña kurpu ku ña korson pudi fraksi, ma Deus i sedu forsa di ña korson, ku ña yardansa pa sempri.

Miskiñu di Jeremias 3:24

N ta fala ku ña kabesa kuma, SIÑOR i kil ku N tene; i nel ku N na spera.

Ezekiel 44:28

“Saserdotis na tene un yardansa ku sedu ami propi. Bo ka na da elis terenu na Israel; ami ku sedu tudu ke pirsisa del.

Numerus 18:7

ma abo son ku bu fijus ku na sedu saserdotis, pa toma konta di tarbaju di altar, ku di lugar tras di kurtina. N da bos e fabur di tarbaja suma saserdotis. Kualker utru algin ku ciga pertu di kau sagradu i na muri.”

Numerus 26:62

Tudu macu di idadi di un mis pa riba ku kontadu e seduba 23.000. Elis e ka kontaduba juntu ku utru israelitas pabia e ka na dadu yardansa na Israel.

Ripitison di Lei 10:9

E ku manda levitas ka tene terenu di yardansa suma se ermons di utru jorsons. I SIÑOR ku sedu se yardansa, suma ku SIÑOR bu Deus fala elis.)

Ripitison di Lei 12:12

Bo kontenti dianti di SIÑOR bo Deus, abos ku bo fijus macu ku femia, ku bo katibus macu ku femia, ku levita ku sta na bo prasa, pabia el i ka tene terenu nin yardansa.

Ripitison di Lei 14:27

Ka bu diskisi di levita ku sta na bu prasa, pabia i ka tene terenu nin yardansa suma ku bu tene.

Ripitison di Lei 14:29

Utru jinti ku sta na bu prasa, suma levita ku ka tene terenu nin yardansa suma ku bu tene, ku stranjeru ku orfan ku viuva, e ta bin kume, e farta, pa SIÑOR bu Deus pudi bensuau na tudu tarbaju ku bu na fasi.

Josué 13:14

I ka da jorson di Levi yardansa, manera ku Deus falal kuma sakrifisius kemadu pa SIÑOR, Deus di Israel, elis ku na sedu se yardansa.

Josué 13:33

Moisés ka da yardansa pa jorson di Levi; SIÑOR Deus di Israel i se yardansa, suma ki fala elis ba.

Josué 14:3

pabia Moisés daba ja yardansa pa ki dus jorson ku metadi na utru banda di Jordon, ma i ka da levitas nin un yardansa na se metadi.

Josué 18:7

Levitas ka na tene parti na bo metadi, pabia se parti i pa sedu saserdotis di SIÑOR. Gad, Ruben ku metadi di jorson di Manasés toma ja se yardansa ku Moisés, servu di SIÑOR, da elis na ladu di saida di sol, na utru banda di Jordon.”

Apokalipsi 21:3

N obi un garandi vos ku sai na tronu, ku na fala: “Gosi ja Deus ten si morada na metadi di jinti. I na mora ku elis, e na sedu si pobu. Deus propi na sta ku elis, i na sedu se Deus.