Numerus 18:2 - BIBLIA - traduson antigu in Krioulo

² Tisi bu parentis ku sedu jorson di bu pape Levi, pa e bin sta juntu ku bo, e judau. Ma abo ku bu fijus bo na sta dianti di tenda di tustumuñu.

Numerus 18:2 ပူးပေါင်းရင်းမြစ်များ

Kumsada 29:34

I torna preña utru bias, i padi un fiju, i fala: “E bias ña omi na bin junta ku mi, pabia N padi e tris fiju ku el.” Asin i comal nomi di Levi.

2 Kronikas 30:16

E toma se lugar di kustumu, suma ku lei di Moisés, omi di Deus, fala. Saserdotis toma sangi na mon di levitas, e wagal.

Ezekiel 44:11

E pudi sirbi na templu, e pudi ten konta di porton di templu, e sirbi la. E na mata limarias pa oferta kemadu o sakrifisiu pa pobu; e na sta dianti di pobu pa sirbi elis.

Ezekiel 44:15

“Ma saserdotis, fijus di Levi, di jorson di Zadok, ku seduba fiel na ña kau sagradu oca ku fijus di Israel yanda lunju di mi, elis e na ciga pertu di mi pa sirbin; e na firma ña dianti pa pursentan gurdura ku sangi. Asin ku ami, SIÑOR Deus, N fala.

Malakias 2:4

Asin bo na sibi kuma N manda bos e mandamentu pa kontratu pudi kontinua ku Levi ten ku mi, SIÑOR ku ten tudu puder.

Numerus 1:53

Levitas na pui se tendas na roda di tenda di tustumuñu, pa N ka bin paña raiba di tudu fijus di Israel. Levitas i kilis ku nkargadu di guarda tenda di tustumuñu.”

Numerus 16:40

suma ku SIÑOR falaba na boka di Moisés. Es i pa lembranta fijus di Israel kuma ningin ku ka sedu di jorson di Aron i ka pudi ciga pa kema nsensu dianti di SIÑOR, pa i ka kontisi ku el suma ki sedu ku Koré ku si jinti.

Numerus 17:7

Moisés pui ki mandukus dianti di SIÑOR na tenda di tustumuñu.

Numerus 18:4

Ma e na sta juntu ku bo, pa e fasi tudu tarbaju na tenda di juntamentu; nin utru algin ka pudi ciga pertu di kau ku bo sta nel.

Numerus 3:5

SIÑOR fala Moisés:

Numerus 4:15

“Na ora di munda di kampamentu, fijus di Koat na bin pa leba kusas di santuariu, ma son dipus di Aron ku si fijus kaba kubri tudu ekipamentu sagradu. E ka dibi di toka na kusas sagradu; si e toka nelis, e na muri. Fijus di Koat ten ku karga ki kusas di tenda di juntamentu.

Numerus 8:19

Na metadi di israelitas N toma levitas, N da elis pa Aron ku si fijus pa sirbi fijus di Israel na tenda di juntamentu, pa sakrifika pa elis, pa kastigu ka bin pa israelitas si e ciga pertu di kau sagradu.”

Numerus 8:22

Dipus di kila, levitas yentra pa fasi sirvis na tenda di juntamentu bas di Aron ku si fijus. Ordis ku SIÑOR da Moisés aserka di levitas e kumpridu tudu.

Ebreus 9:6

Suma ku e kusas sta asin rumadu, saserdotis ta yentra sempri na purmeru tenda pa fasi se sirvis,