Numerus 18:15 - BIBLIA - traduson antigu in Krioulo

¹⁵ Tudu purmeru fiju di omi o di limaria ku pursentadu pa mi, i di bo. Ma bu na seta si pagamentu ku troka si i sedu purmeru fiju di omi o di limaria ku ka ta roniadu ku el.

Numerus 18:15 ပူးပေါင်းရင်းမြစ်များ

2 Reis 12:5

Saserdotis na risibi ki diñeru, kada kin na mon di jinti ki na sirbi; e tenba ku kumpu tudu kau ku findi na kasa di Deus.

Neemias 10:37

Tambi, ora ku no masa purmeru miju, no na lebal pa armazens di kasa di no Deus, no na ntrega saserdotis, ku utru ofertas di biñu ku azeiti ku tudu koldadi fruta. No na leba desimu parti di prudutu di no con pa levitas, pabia i elis ku ta kuji dizimus na tudu tabankas di labur.

Saida 13:15

Oca ku Faraó bin ntema, i ndurusi si korson, i nega disanu pa no bai, SIÑOR mata tudu purmeru fiju na Ejitu, purmeru fiju di omi tudu ku di limaria. E ku manda N na sakrifika pa SIÑOR tudu limaria macu ku yabri bariga di mame, ma tudu purmeru fiju macu di omi, N ta kumpral.

Saida 13:2

“Dedika pa mi tudu purmeru fiju macu ku si mame padi, pabia tudu purmeru fiju di pobu di Israel i di mi, mesmu ki di omi o di limaria.”

Saida 22:29

“Ka bu tarda pa dan purmeru parti di bu kebur, suma miju o biñu. Bu na tisi bu purmeru fiju pa mi.

Saida 34:20

Ma buru ku yabri bariga, bu na torkial ku fiju di karnel. Si bu ka torkial, bu ta kebral garganti. “Tudu bo purmeru fiju, bo na torkial. “Ningin ka dibi di bin ña dianti mon limpu.

Numerus 18:16

Si e tene un mis di idadi, bu na seta se pagamentu pa troka, na pres fiksu di sinku mueda di prata, konformi mueda di santuariu ku ta pesa vinti jera.

Numerus 3:13

pabia tudu purmeru fiju i di mi. Disna di ki dia ku N mata tudu purmeru fijus na tera di Ejitu, N marka pa mi tudu purmeru fiju na Israel, di omi o di limaria; e na sedu di mi. Ami N sedu SIÑOR.”

Numerus 3:46

Suma ku numeru di purmeru fijus di Israel i mas di ki numeru di levitas, ki 273 ku sobra e ten ku kumpradu.

Ripitison di Lei 15:19

Tudu limaria macu ku sedu purmeru fiju di si mame, na metadi di bu bakas ku karnel, bu na pul aparti pa SIÑOR bu Deus. Turu ku sedu purmeru fiju di si mame, bu ka na pul tarbaja, nin bu ka na tiskia purmeru fiju di bu karnel.