Numerus 18:10 - BIBLIA - traduson antigu in Krioulo

¹⁰ Kumel suma un kusa sagradu dimas. Tudu macu na kumel; i na sedu un kusa sagradu pa bo.

Numerus 18:10 ပူးပေါင်းရင်းမြစ်များ

Ezekiel 42:13

Omi falan: “Kuartus na ladu di norti ku ladu di sul ku sta dianti di spasu e sedu kuartus di saserdotis nunde ku kilis ku ta ciga pertu di SIÑOR pudi kume ofertas mas sagradu. E na pui la ki ofertas mas sagradu, suma ofertas di kumida ku ofertas pa pekadu i pa kulpa, pabia i kau sagradu.

Sirmonias 10:13

Asin bo na kumel na kau sagradu, pabia es i parti ku sedu di bo, ku di bu fijus tambi, di ofertas kemadu di SIÑOR, pabia asin ku N dadu ordi.

Sirmonias 10:17

“Pabia di ke ku bo ka kume oferta pa pekadu na kau sagradu? I un kusa sagradu dimas. SIÑOR dal pa bos, pa tira kulpa di tudu jinti, pa fasi sakrifisiu pa elis dianti di SIÑOR.

Sirmonias 14:13

I ten ku mata ki fiju di karnel na kau sagradu, nunde ku limaria pa oferta pa pekadu ku oferta kemadu ta matadu. Asin oferta pa kulpa, suma oferta pa pekadu, i pa saserdoti; i sedu un kusa sagradu dimas.

Sirmonias 21:22

I pudi kume kumida di si Deus, di oferta sagradu, o di oferta mas sagradu,

Sirmonias 6:16

Aron ku si fijus na kume kil ku sobra. E na kumel sin fermentu na un kau sagradu, ku sedu na kau fora di tenda di juntamentu, ma dentru di tapada di kurtinas.

Sirmonias 6:18

Tudu macu di familia di Aron na kumel. I na sedu se parti di ofertas kemadu pa SIÑOR, di un jorson pa utru pa sempri. Tudu kil ku toka nel i na sedu sagradu.”

Sirmonias 6:26

Saserdoti ku sakrifikal i na kumel na un kau sagradu, fora di tenda di juntamentu ma dentru di tapada di kurtinas.

Sirmonias 6:29

Tudu macu na familia di saserdotis pudi kumel. I sedu un kusa sagradu dimas.

Sirmonias 7:6

Kualker macu na familia di saserdotis pudi kumel, ma i ten ku kumel na un kau sagradu. I sedu un kusa sagradu dimas.

Numerus 18:11

“Utru kusa ku na sedu di bo i ki partis di oferta ku fijus di Israel tisi, ku sanadu ku el. N dau elis suma un diritu pa bo ku bu fijus macu ku femia, pa sempri. Tudu algin na bu kasa ku sta puru i pudi kumel.

Numerus 18:9

Partis di tudu se ofertas mas sagradu ku ka kemadu e na sedu pa bo, ku sedu es: ofertas di kumida, tudu se ofertas pa purdon di pekadu ku tudu se ofertas pa purdon di kulpa. E kusas mas sagradu na sedu pa bo ku bu fijus.