Numerus 18:1 - BIBLIA - traduson antigu in Krioulo

¹ SIÑOR fala Aron: “Abo ku bu fijus ku jorson di bu pape bo na karga pekadu ligadu ku santuariu; abo ku bu fijus son bo na karga pekadu ligadu ku bo tarbaju suma saserdotis.

Numerus 18:1 ပူးပေါင်းရင်းမြစ်များ

Saida 28:38

Aron ten ku lebal sempri na si rostu, pa ami, SIÑOR, N pudi seta tudu ofertas ku fijus di Israel dedika pa mi, nin si pobu fasi kualker eru na manera di da ki ofertas.

Isaias 53:11

Dipus di sufrimentu ki pasa na si vida, i na oja lus, i na fika kontenti. Ña servu justu na justifika manga di jinti ku kunsil, pabia i na leba se pekadu riba del.

Isaias 53:6

Anos tudu no yandaba saklatadu suma karnel; kada kin ta disviaba pa si ladu, ma SIÑOR pui pa pekadu di nos tudu kai riba del.

Ezekiel 4:4

“Dita na bu ladu skerda, bu pui maldadi di pobu di Israel riba di bo. Bu na leba se maldadi pa numeru di dias ku bu dita na bu ladu.

Sirmonias 10:17

“Pabia di ke ku bo ka kume oferta pa pekadu na kau sagradu? I un kusa sagradu dimas. SIÑOR dal pa bos, pa tira kulpa di tudu jinti, pa fasi sakrifisiu pa elis dianti di SIÑOR.

Sirmonias 22:16

E ka na disa kualker algin kume di ki ofertas sagradu, pa si dunu ka bin fika kulpadu, i bin ten ku paga. Ami i SIÑOR ku ta fasi ki oferta pa i sedu sagradu.”

Sirmonias 22:9

“Saserdotis na guarda ña regras pa e ka bin ojadu kulpadu, e muri pabia e nega fasi kasu delis. Ami i SIÑOR ku ta fasi elis sagradu.

Numerus 14:34

Konformi numeru di dias ku bo spia ki tera, ku sedu korenta dia, bo na sufri pa bo pekadu korenta anu, un anu pa kada dia. Bo na ntindi ke ki signifika pa N sta kontra bos.’

Numerus 16:10

Deus cigantau, abo ku tudu bu ermons levita. Gosi bo torna misti sedu saserdotis?

Numerus 17:13

Tudu algin ku ciga pertu di tenda di SIÑOR i na muri. Nta no na kaba tudu!”

Numerus 17:3

Na manduku di Levi skirbi nomi di Aron. Kada ŝef di jorson na tene un manduku.

Numerus 17:7

Moisés pui ki mandukus dianti di SIÑOR na tenda di tustumuñu.

Numerus 18:11

“Utru kusa ku na sedu di bo i ki partis di oferta ku fijus di Israel tisi, ku sanadu ku el. N dau elis suma un diritu pa bo ku bu fijus macu ku femia, pa sempri. Tudu algin na bu kasa ku sta puru i pudi kumel.

Numerus 3:6

“Ciganta jorson di Levi, bu pursenta elis dianti di saserdoti Aron, pa e pudi sirbil.

Ripitison di Lei 10:8

Na ki tempu SIÑOR separa jorson di Levi pa e leba arka di kontratu di SIÑOR, pa e firma si dianti pa sirbil suma saserdotis, pa bensua jinti na si nomi. E ta fasi kila te aos.

Ebreus 13:17

Bo obdisi bo pastoris, bo suẑeta elis, pabia e ka ta kansa jubi pa bos, suma kin ku ten ku da Deus konta di bo alma. Bo juda elis pa e pudi fasi e tarbaju ku alegria, pa ka e ba ta fasil ku dur di korson, pabia de manera i ka ta bali pa bos.

Ebreus 4:15

No ka tene un ŝef di saserdoti ku ka pudi ten pena di no frakesa, ma un ku tentaduba na tudu, suma nos, ma ku nunka ka peka.

1 Pedru 2:24

El propi i leba no pekadu na si kurpu na krus, pa no pudi sta suma mortu na ladu di pekadu, no yanda diritu suma ku Deus misti. Bo kuradu pabia di si molostus.

Ŝefis 17:12

Mika konsagral; ki levita bin sedu si saserdoti, i fika na si kasa.