Numerus 16:22 - BIBLIA - traduson antigu in Krioulo

²² Moisés ku Aron e mpina se rostu pa con, e fala: “O Deus, Deus ku sedu fonti di vida di tudu jinti! Si un omi peka, bu na paña raiba di tudu e pobu?”

Numerus 16:22 ပူးပေါင်းရင်းမြစ်များ

Kumsada 18:32

I torna falal: “Ka bu paña raiba, Siñor; es un bias son ku N na papia. Si kontra i ojadu la des?” I ruspundi i falal: “N ka na kaba ku el pa amor di ki des.”

2 Samuel 24:1

Raiba di SIÑOR torna sindi kontra Israel. Satanas cuci Davi pa i fasi konta di Israel ku Judá; asin i tisi mal kontra elis.

2 Samuel 24:17

Oca ku Davi oja anju ku na mata jinti, i fala SIÑOR: “I ami ku fasi pekadu; kulpa i di mi. E koitadis, ke ke fasi? Bu mon dibi di sta kontra mi ku ña familia.”

Jo 12:10

Vida di tudu kriatura bibu sta na si mon, ku folgu di tudu omi.

Salmus 99:6

Moisés ku Aron e seduba si saserdotis; Samuel seduba algin ku ta coma si nomi. E ta comaba SIÑOR, el i ta kudi elis.

Eklesiastis 12:7

reia riba pa con, suma ki seduba; spiritu riba pa Deus, kil ku dal.

Isaias 57:16

N ka na ba ta keŝa di bo sempri, nin N ka na fika ku raiba tudu ora, pabia, si i asin, spiritu, ku sedu folgu di omi ku N kumpu, i na dismaja.

Jeremias 32:27

“Ami i SIÑOR, Deus di tudu jinti. Nta i ten kusa kansadu pa mi?

Jeremias 38:16

Rei Zedekias jurmenta pa Jeremias na sigridu, i falal: “N jurmenta pa vida di SIÑOR ku danu vida kuma N ka na matau, nin N ka na ntregau na mon di ki omis ku misti matau.”

Ezekiel 18:4

Vida di tudu jinti i di mi; vida di pape suma di fiju, tudu i di mi. Algin ku peka, el propi ku na muri.

Sirmonias 10:6

Moisés fala Aron ku si fijus Eleazar ku Itamar: “Ka bo fika dispintiadu nin ka bo rumpi bo ropa, pa ka bo muri, nin pa raiba garandi ka bin riba di tudu pobu. Bo ermons, tudu pobu di Israel, pudi cora pa kilis ku SIÑOR mata ku fugu.

Sirmonias 4:3

Si un saserdoti unjidu peka, i tisi kulpa riba di pobu, pa ki pekadu ki fasi i ten ku tisi pa SIÑOR un fiju di baka, macu, sin difeitu, suma oferta pa pekadu.

Zakarias 12:1

Es i palabra ku Deus papia aserka di Israel. SIÑOR, kil ku distindi seu, i kumpu tera, i pui folgu dentru di omi, i fala:

Numerus 14:5

Moisés ku Aron mborka na con dianti di tudu juntamentu di fijus di Israel.

Numerus 16:23

SIÑOR fala Moisés

Numerus 16:4

Oca Moisés obi ki kusa, i kai ku rostu dianti di SIÑOR.

Numerus 16:45

“Bo lunjusi de juntamentu pa N pudi kaba ku elis di un bias!” Logu elis dus e mpina ku rostu na con.

Numerus 27:16

“N misti pa SIÑOR, Deus ku ta da vida pa tudu jinti, pa i pui un omi ku na sta riba de kumunidadi,

Romanus 5:18

Suma ku un pekadu tisi julgamentu riba di tudu jinti pa kondena elis, asin tambi un kusa bon ku fasidu tisi fabur pa tudu jinti pa fasi elis justu, pa da elis vida.

1 Koríntius 13:7

I ta sufri tudu; si fe, si speransa ku si pasensa nunka ka ta kaba.

Ebreus 12:9

Tambi no tene no papes de mundu ku ta disiplinanu; no ta da elis rispitu. Nta no ka pudi suẑeta mas inda no Pape spiritual pa no tene vida?

Josué 22:18

Aos bo na bandona SIÑOR! Si bo lanta kontra SIÑOR aos, amaña i na raiba kontra tudu juntamentu di Israel.