Numerus 15:5 - BIBLIA - traduson antigu in Krioulo

⁵ i na da tambi un litru di biñu suma oferta di bibida, pa kada karnelsiñu ki da suma sakrifisiu o oferta kemadu.

Numerus 15:5 ပူးပေါင်းရင်းမြစ်များ

2 Kronikas 29:35

Ofertas kemadu e ciu ba dimas, tudu ku gurdura di ofertas di pas, ku ofertas di bibida ku ta bai juntu ku ofertas kemadu. Asin sirvis di kultu na kasa di SIÑOR i torna firmantadu.

Esdras 7:17

Ku e diñeru bu na kumpra turus, karnelis macu, fijus di karnel, ku se ofertas di kumida ku bibida, bu na sakrifika elis na altar di kasa di bo Deus ku sta na Jerusalen.

Salmus 116:13

N na toma kopu di salbason, N coma nomi di SIÑOR.

Saida 29:40

Ku un fiju di karnel bu na da dus litru di foriña finu masadu ku un litru di azeiti puru. Pa oferta di bibida bu na darma un litru di biñu.

Kantiga di Salomon 1:4

Leban ku bo; no ta kuri juntu! Rei yentrandan na si kuartus. No ta kontenti ku bo, no ta fika alegri; no ta lembra di bu amor mas di ki biñu. Jinti ten roson di amau.

Sirmonias 1:10

“Si i misti pursenta karnel o kabra di si koral pa oferta kemadu, i ten ku pursenta macu sin difeitu.

Sirmonias 23:13

Juntu ku es bo ta leba oferta di kumida di kuatru litru di foriña finu masadu ku azeiti, suma oferta kemadu ku ta cera sabi dianti di SIÑOR, tambi ku oferta di un litru di biñu.

Sirmonias 3:6

“Si i na pursenta SIÑOR un limaria di koral suma oferta di pas, i ten ku tisi macu o femia sin difeitu.

Sirmonias 3:7

Si i na pursenta fiju di karnel, i na pursental dianti di SIÑOR.

Zakarias 9:17

Se bondadi na sedu garandi! E na bonitu dimas! Trigu na pui jovens pa e kirsi, e sedu forti; biñu nobu na fasi mesmu pa bajudas.

Numerus 15:11

Asin ki na fasidu pa kada turu, karnel macu, fiju di karnel o kabra.

Numerus 15:6

“Si bu na pursenta karnel macu, bu ta purpara oferta di kumida di 4 litru di foriña finu, misturadu ku 1,3 litru di azeiti.

Numerus 28:14

“Ofertas di bibida na sedu 2 litru di biñu pa kada turu, 1,2 litru pa un karnel, ku 1 litru pa un fiju di karnel. Es i na sedu oferta kemadu di kada mis, dadu na lua nobu di kada mis di anu.

Numerus 28:7

Ku ki fiju di karnel bo na da oferta di bibida di 1 litru di biñu ku na darmadu na kau sagradu dianti di SIÑOR.

Filipensis 2:17

Si kontra ña sangi ten ku darmadu suma oferta riba di bo fe ku sedu suma sakrifisiu pa Deus, N ta kontenti; N ta rapati ña alegria ku bos tudu.

2 Timótiu 4:6

Ami N sinti kuma ña ora di bai sta ja pertu. Ña vida na darmadu ja suma limaria di ronia.

Ŝefis 9:13

Pe di uva ruspundi elis: ‘Nta N na disa di da biñu ku ta da kontentamentu pa deusis ku omis, pa N bai balansa riba di arvuris?’