Numerus 15:29 - BIBLIA - traduson antigu in Krioulo

²⁹ Ki mesmu lei na sedu pa tudu algin ku yara i peka; i pudi sedu fiju di Israel o stranjeru ku mora na se metadi.

Numerus 15:29 ပူးပေါင်းရင်းမြစ်များ

1 Reis 8:41

“Jinti di utru teras, ku ka sedu di bu pobu Israel, e na obi di bu garandi nomi, ku di kusas ku bu fasi ku bu mon forti. Si utru delis bin di un tera lunju pa amor di bu nomi, i ciga dianti de kasa, i ora,

Saida 12:49

I na sedu mesmu lei pa kil di tera, suma pa ospri ku bin sinta ku bos.”

Sirmonias 16:29

“Es i na sedu lei pa bos pa sempri: Na setimu mis, na dia des, bo ten ku junjuŋa; bo ka na fasi kualker tarbaju, nin si i un di bos o stranjeru ku sta na bo metadi,

Sirmonias 17:15

“Kualker algin, nin ki sedu fiju di tera o stranjeru, ku kume limaria ku muri, o ku limaria brabu sapa-sapa, i ten ku laba si ropa, i laba si kurpu ku yagu; i na fika impuru te di tardi, dipus i na sedu puru.

Sirmonias 4:2

pa i konta fijus di Israel regras pa algin ku peka kontra kualker mandamentu di SIÑOR sin i ka spera, i fasi kusa ku mandamentu fala pa ka no fasi.

Numerus 15:15

I ten ku ten mesmu lei pa bos di kumunidadi suma tambi pa stranjeru ku mora ku bos; i un lei ku na kontinua pa tudu tempu na bo metadi. Suma ku bo sedu, asin ku stranjeru sedu dianti di SIÑOR.

Numerus 15:28

Saserdoti na sakrifika ki limaria pa SIÑOR na konta di ki algin ku yara. Dipus di sakrifisiu fasidu, i na purdadu.

Numerus 15:30

“Ma si algin ntema i fasi mal, nin ki fiju di Israel o stranjeru, i na tiradu na metadi di pobu pabia i njuti SIÑOR,

Numerus 9:14

“Si un stranjeru ku mora na bo metadi misti toma parti na festival di Paskua, i dibi di fasil konformi leis ku regras di Paskua. Lei i un son pa bos, fijus di tera o stranjeru.”

Lukas 12:48

ma kil ku ka sibi, i fasi kusa ku mersi kastigu, i ta dadu puku suti. Kil ku dadu ciu i ta pididu ciu; kil ku ntregadu ciu i na pididu mas ciu.

Josué 8:33

Tudu Israel, stranjerus tudu ku natural, ku se garandis, ŝefis ku juisis, e staba na tudu dus ladu di arka, ku uju pa kilis ku ta karga arka di kontratu di SIÑOR, ku sedu saserdotis di jorson di Levi. Metadi delis staba dianti di monti Jerizin, utru metadi dianti di Monti Ebal, suma ku Moisés, servu di SIÑOR, daba ordi, oca ki fala na purmeru kuma pobu di Israel ten ku bensuadu.