Numerus 15:20 - BIBLIA - traduson antigu in Krioulo

²⁰ Di purmeru miju ku bo pila, bo na da oferta pa SIÑOR. Tambi purmeru pon ku bo kumpu di foriña di miju nobu, bo na dal pa SIÑOR.

Numerus 15:20 ပူးပေါင်းရင်းမြစ်များ

Neemias 10:37

Tambi, ora ku no masa purmeru miju, no na lebal pa armazens di kasa di no Deus, no na ntrega saserdotis, ku utru ofertas di biñu ku azeiti ku tudu koldadi fruta. No na leba desimu parti di prudutu di no con pa levitas, pabia i elis ku ta kuji dizimus na tudu tabankas di labur.

Saida 23:19

“Tisi minjor di purmeru frutus di bu con pa kasa di SIÑOR bu Deus. “Ka bu kusña kabritu na liti di si mame.

Saida 34:26

“Leba parti mas bonitu di purmeru frutu di bu labur pa kasa di SIÑOR bu Deus. “Ka bu kusña kabritu na liti di si mame.”

Ezekiel 44:30

Minjor di tudu purmeru frutu di kebur, ku tudu oferta, i na sedu di saserdotis. Si bo na kumpu pon, bo na da purmeru masa pa saserdoti, pa benson pudi sta riba di bu familia.

Sirmonias 2:12

Bu pudi tisi e kusas pa oferta di purmeru kusas di kebur, ma e ka na kemadu na altar pa da ceru sabi.

Sirmonias 2:14

“Si bu pursenta pa SIÑOR oferta di kumida di purmeru kusas di kebur, bu ta tisi spigas nobu di miju maduru, masadu, yasadu na fugu.

Sirmonias 23:10

pa i papia ku fijus di Israel, i fala elis: “Dipus di bo yentra na tera ku N na bin da bos, bo kebra la, bo ta tisi pa saserdoti un maradura di purmeru miju ku bo kebra.

Sirmonias 23:20

Saserdoti na sana ki dus fiju di karnel suma oferta di sana dianti di SIÑOR, ku purmeru pon di kebur. E na sedu oferta sagradu pa SIÑOR, pa saserdoti.

Numerus 15:21

Na tempu ku na bin, bo fijus na kontinua da oferta pa SIÑOR di purmeru miju ke pila.

Numerus 18:12

“N dau minjor kusas di purmeru kebur ku fijus di Israel tisi pa mi: azeiti, sumu di uvas ku miju.

Mateus 6:33

Purmeru kusa, bo buska renu di Deus, bo yanda diritu si dianti; asin, tudu e utru kusas, bo ta bin dadu el.

Romanus 11:16

Si Deus dadu purmeru padas di pon, tudu pon i pa el. Si i dadu tambi rais, tudu ramu i di sil.

1 Koríntius 15:20

Ma na bardadi Kristu lantandadu di mortu, suma purmeru di kilis ku muri.

Ripitison di Lei 14:22

Kada anu bu ten ku separa un desimu parti di tudu prudutu di bu labur.

Ripitison di Lei 14:23

Bai dianti di SIÑOR bu Deus na kau ki kuji pa pui si nomi la, bu kume dizimu di bu miju, bu biñu nobu ku bu azeiti, ku purmeru fijus di bu baka ku karnel, pa bu bin sibi rispita SIÑOR bu Deus sempri.

Ripitison di Lei 16:13

Dipus di bu kaba masa miju, bu pirmi uvas, bu ta guarda festival di barakas pa seti dia,

Tiagu 1:18

Na si vontadi i padinu ku si palabra di bardadi, pa no pudi sedu suma si purmeru fijus.

Apokalipsi 14:4

Esis i kilis ku ka susa se vida ku minjeris, pabia e sedu virẑen. I elis ku ta yanda tras di Karnel pa tudu ladu ki na bai. I sedu kilis ku kumpradu na metadi di jintif pa e sedu purmeru oferta pa Deus ku Karnel.