Numerus 15:14 - BIBLIA - traduson antigu in Krioulo

¹⁴ Un stranjeru ku sedu ospri o ku tarda ku bos o, mas tardi, ku bo fijus, si i na da oferta kemadu ku ta cera sabi pa SIÑOR, i dibi di fasi manera ku bo ta fasi.

Numerus 15:14 ပူးပေါင်းရင်းမြစ်များ

Sirmonias 22:18

pa i papia ku Aron ku si fijus ku tudu pobu di Israel, i fala elis: “Kualker di fijus di Israel, o di stranjerus ku mora na Israel, ku pursenta un limaria suma oferta kemadu pa SIÑOR, nin si i pa votu o son pabia i misti da,

Sirmonias 22:25

Bo ka pudi seta e koldadi limarias na mon di stranjeru, pa pursenta elis suma oferta di kumida pa bo Deus, pabia e tene difeitu, e ka sta formadu diritu. E ka na setadu pa bo fabur.”

Numerus 15:13

“Kada algin ku padidu na Israel dibi di fasi e kusas ora ki na da oferta kemadu ku ta cera sabi pa SIÑOR.

Numerus 15:15

I ten ku ten mesmu lei pa bos di kumunidadi suma tambi pa stranjeru ku mora ku bos; i un lei ku na kontinua pa tudu tempu na bo metadi. Suma ku bo sedu, asin ku stranjeru sedu dianti di SIÑOR.