Numerus 14:33 - BIBLIA - traduson antigu in Krioulo

³³ Bo fijus na sufri pabia bo ka sedu fiel; e na yanda-yanda ne lala korenta anu, tok bo kaba muri tudu na lala.

Numerus 14:33 ပူးပေါင်းရင်းမြစ်များ

Salmus 107:4

Utrus yanda pirdidu na lala, e ka pudi oja kamiñu pa un prasa nunde ke pudi mora.

Salmus 107:40

Deus njuti ki ŝefis, i pui elis yanda-yanda na lala, nunde ku kamiñu ka ten.

Salmus 78:33

Asin i kaba ku se vida suma bentu, i korta se anus di repenti ku kastigu.

Saida 20:5

Ka bu mpina pa elis, nin ka bu adora elis, pabia ami i SIÑOR bu Deus, ku ta ten siumi. Kilis ku ta odian, N ta kastiga se maldadi riba di se fijus, netus, ku bisnetus,

Ezekiel 23:35

“E ku manda ami, SIÑOR Deus, N fala: Suma ku bu diskisi di mi, bu botan tras di bu kosta, bu na karga bu kurupson ku susidadi.”

Oseias 9:1

Israel, ka bu kontenti tok bu jukuta, suma utru nasons, pabia bu bai suma minjer di mau vida, bu disa bu Deus. Bu ama pagamentu di bu mau vida na tudu kau di masa trigu.

Numerus 32:13

Asin korson di SIÑOR yardi ku raiba kontra Israel; i pui elis yanda-yanda na lala pa korenta anu, tok jinti di ki idadi ku fasiba mal na uju di SIÑOR e kaba muri tudu.

Numerus 33:38

Konformi ordi di SIÑOR, saserdoti Aron subi na monti di Or, i muri la, na purmeru dia di kintu mis na anu 40 dipus di saida di fijus di Israel na tera di Ejitu.

Numerus 5:31

Omi na fika libri di kulpa, ma si minjer sta kulpadu i na sufri pa si pekadu.”

Atus 7:36

I e Moisés ku tira pobu fora, ku fasi milagris ku sinal na tera di Ejitu, na Mar Burmeju, tambi na lala, pa korenta anu.

Ripitison di Lei 1:3

Na purmeru dia di mis di 11, na anu 40, Moisés konta fijus di Israel tudu ku SIÑOR dalba ordi aserka delis.

Ripitison di Lei 2:14

No leba trinta i oitu anu pa yanda di Kades-Barneia te na riu di Zered, tok tudu ki manjuandadi di omis di gera kaba muri, suma ku SIÑOR jurmentaba.

Ripitison di Lei 2:7

SIÑOR bu Deus bensuau na tudu tarbaju ku bu fasi, i toma konta di bo na bu bias na lala garandi. Duranti tudu e korenta anu SIÑOR bu Deus staba ku bo; nada ka faltau.

Ripitison di Lei 29:5

Tudu ki korenta anu ku SIÑOR gia bos na lala, bo ropa ka fika beju nin bo sapatu ka gasta na bo pe.

Ripitison di Lei 8:2

Lembra di manera ku SIÑOR bu Deus giau na tudu ki kamiñu di lala ne korenta anu ku pasa, pa fasiu umildi, pa probau, pa sibi ke ku staba na bu korson, si bu na obdisi si mandamentus o nau.

Ripitison di Lei 8:4

Ne korenta anu bu ropa ka gasta, nin bu pe ka inca.

Josué 14:10

Ali SIÑOR guardan ku vida, suma ki fala; korenta i sinku anu pasa ja disna ku SIÑOR fala e palabra pa Moisés, oca ku Israel na yandaba na lala inda. Alin li, N tene idadi di oitenta i sinku anu.

Josué 5:6

Israelitas yanda-yandaba na lala korenta anu, tok tudu omis ku teneba idadi di geria oca ke sai di Ejitu muri, suma ke ka obdisi SIÑOR. Pabia SIÑOR jurmentaba elis kuma, i ka na disa elis oja tera ki falaba se papes ku juramentu kuma i na danu, tera riku ku ta pruduzi ciu.