Numerus 14:14 - BIBLIA - traduson antigu in Krioulo

¹⁴ e na konta moraduris de tera, ku obi kuma abo, SIÑOR, bu sta na metadi de pobu, kuma e ta ojau uju ku uju, bu nuven sta riba delis, bu ta bai se dianti na un kuluna di nuven di dia, ku kuluna di fugu di noti.

Numerus 14:14 ပူးပေါင်းရင်းမြစ်များ

Kumsada 32:30

Asin Jakó coma nomi di ki kau Peniel pabia i fala: “N oja Deus rostu ku rostu, N fika ku vida.”

Neemias 9:12

Bu gia elis di dia ku kuluna di nuven; di noti bu pui kuluna di fugu pa numia elis kamiñu ke tenba ku yanda nel.

Neemias 9:19

Ma abo, pabia di bu garandi miserikordia, bu ka bandona elis na lala; ki kuluna di nuven fika pertu delis di dia, pa gia elis na kamiñu; di noti ki kuluna di fugu ka para numia elis, pa mostra kamiñu ke tenba ku bai nel.

Salmus 105:39

Deus distindi un nuven pa i kubri elis, ku fugu pa numia elis di noti.

Salmus 78:14

Di dia i gia elis ku nuven; duranti noti i ta gia elis ku klaridadi di fugu.

Saida 15:14

Utru jinti na obi, e na tirmi. Jinti ku mora na Filistia, dur na toma konta delis.

Saida 33:11

SIÑOR ta papiaba ku Moisés rostu ku rostu, suma ku algin ta papia ku si amigu. Dipus, Moisés ta riba pa kampamentu, ma ki joven ku ta judal, ku sedu Josué, fiju di Nun, nunka i ka ta sai na tenda.

Saida 33:16

Kuma ku algin pudi sibi kuma ami ku bu pobu no oja fabur na bu uju, si i ka manera ku bu na yanda ku nos? E ku na fasinu, ami ku bu pobu, pa no sedu diferenti di tudu utru pobu ku sta na mundu.”

Saida 40:38

Asin, ki nuven di SIÑOR staba riba di tenda di dia; fugu staba riba del di noti, dianti di uju di tudu pobu di Israel, na tudu se bias.

Numerus 10:34

Nuven di SIÑOR ta staba riba delis di dia ora ke sai di kampamentu.

Numerus 12:8

N ta papia ku el boka ku boka, uju ku uju; N ka ta papia na ditus. I ta oja parsensa di SIÑOR. Kuma ku bo ka medi papia kontra ña servu Moisés?”

Bon Noba di Jesus Kristu ku Jon 1:18

Te aos ningin ka oja Deus; si Fiju un son ku sta juntu ku si Pape i pui pa no kunsil.

Bon Noba di Jesus Kristu ku Jon 14:9

Jesus falal: “Filip, N sta manga di tempu ku bos; bo ka kunsin inda? Kin ku ojan, i oja ña Pape. Kuma ku bu na falan pa N mostra bos ña Pape?

1 Koríntius 13:12

Kil ku no na oja gosi, i suma bo na oja fusku na spiju, ma na tempu ku na bin bin, no na oja kara ku kara. Kil ku N sibi gosi, i son un kusa lebi, ma na ki tempu N na kunsi kusa klaru, suma ku Deus kunsin.

Ripitison di Lei 1:19

SIÑOR no Deus mandanu pa no sai na Oreb. Asin no pega kamiñu, no yanda na tudu ki garandi lala meduñu ku bo oja na kamiñu pa montañas di amoreus, tok no kansa no ciga na Kades-Barneia.

Ripitison di Lei 34:10

Nunka mas anunsiadur ka lanta na Israel suma Moisés, ku SIÑOR kunsi uju ku uju,

Ripitison di Lei 5:24

e fala: “SIÑOR no Deus i fasinu pa no oja si gloria ku si garandesa; no obi si vos ku na papia na metadi di fugu. Aos no oja kuma un omi pudi kontinua bibu mesmu ku Deus papia ku el.

Ripitison di Lei 5:4

SIÑOR papia ku bo, uju ku uju, na metadi di fugu na monti.

Josué 5:1

Oca ku tudu reis di amoreus ku staba na ladu di Jordon pa kaida di sol, ku tudu reis di kananeus ku staba na kosta di mar, e obi kuma SIÑOR sekaba yagu di Jordon dianti di israelitas, tok no kamba, e panta tok e pirdi koraẑen pabia di Israel.

1 Jon 3:2

Ña kiridu ermons, gosi no sedu fijus di Deus; ke ku no na bin sedu i ka klaru inda, ma no sibi, ora ku Kristu bin, no na sedu suma el, pabia no na ojal manera ki sedu.