Numerus 14:12 - BIBLIA - traduson antigu in Krioulo

¹² N na mata elis ku duensa, N kaba ku elis. N na fasiu pape di un nason ku tene mas jinti ku mas forsa di ki e pobu.”

Numerus 14:12 ပူးပေါင်းရင်းမြစ်များ

2 Samuel 24:1

Raiba di SIÑOR torna sindi kontra Israel. Satanas cuci Davi pa i fasi konta di Israel ku Judá; asin i tisi mal kontra elis.

Saida 32:10

Disan pa N paña raiba kontra elis, pa N kaba ku elis. N na fasiu un garandi nason.”

Saida 5:3

Elis e falal: “Deus di ebreus i bin pa nos; pa kila, disanu bai bias di tris dia na kamiñu pa lala pa fasi sakrifisius pa SIÑOR. Si no ka fasi asin, i na bin kastiganu ku duensa o ku spada.”

Ezekiel 20:13

“‘Ma pobu di Israel disobdisin na lala; e ka yanda konformi ña mandamentus, e nega obi ña leis ku ta da vida pa kin ku obdisi elis; e kontamina ña dias di diskansu dimas. E ku manda N fala kuma N na darma ña raiba kontra elis na lala, pa kaba ku elis,

Sirmonias 26:25

N na tisi spada riba di bos pa vinga manera ku bo kebra ña kontratu. Ora ku bo junta na bo prasas, N na manda na bo metadi duensa ku ta kamba, pa i mata bos. Bo na ntregadu na mon di inimigus.

Numerus 25:9

Kilis ku muriba na ki praga e seduba 24.000.

Ripitison di Lei 28:21

SIÑOR na pui duensa mau pa i pegau, tok i kaba ku bo na tera ku bu na bai toma.