Numerus 12:13 - BIBLIA - traduson antigu in Krioulo

¹³ Asin Moisés coma SIÑOR, i falal: “O Deus, N rogau pa bu kural.”

Numerus 12:13 ပူးပေါင်းရင်းမြစ်များ

Kumsada 20:17

Abraon ora Deus. Deus kura Abimelek ku si minjer, ku si katibus femia, pa e pudi padi fijus,

1 Reis 13:6

Rei fala omi di Deus: “Ora, bu buska SIÑOR bu Deus, bu roga pa mi, pa ña mon pudi san.” Omi di Deus ora dianti di SIÑOR; mon di rei kuradu, i torna suma ki staba.

Salmus 30:2

O SIÑOR ña Deus, N comau; abo bu kuran.

Salmus 41:4

N fala: “SIÑOR, N peka kontra bo; ten pena di mi, bu kuran.”

Saida 15:26

i fala elis: “Si bu pui sintidu diritu pa obi kil ku SIÑOR bu Deus na fala, bu fasi kusa ki bon dianti di si uju, bu pui sintidu pa obi si mandamentus, bu obdisi tudu si ordis, N ka na pui riba di bo nin un di duensas ku N pui riba di Ejitu, pabia ami i SIÑOR ku ta kurau.”

Saida 4:7

SIÑOR falal: “Torna miti bu mon na kamisa.” I fasi asin. Dipus i tiral, i ojal san, suma restu di si kurpu.

Isaias 30:26

Na ki dia ku SIÑOR na liga kebradura di si pobu, i kura se firidas ki pui nelis, lua na lampra suma sol; lus di sol na lampra seti bias mas, suma lus di seti dia.

Jeremias 17:14

Kuran, SIÑOR, N ta sedu kuradu; salban, N ta sta salbu, pabia i abo ku N ta ngaba.

Numerus 11:2

Pobu grita pa Moisés; kila ora pa SIÑOR; fugu paga.

Numerus 12:12

Ka bu disal pa i sedu suma mininu ku sai mortu na bariga di si mame, ku metadi di si karni kumedu ja.”

Numerus 14:2

e ŋuniŋuni kontra Moisés ku Aron, e fala: “I mas minjor si no muriba na tera di Ejitu, o si no muriba na lala!

Numerus 16:41

Mansi di ki dia, tudu juntamentu di fijus di Israel ŋuniŋuni kontra Moisés ku Aron, e fala: “Bo mata pobu di SIÑOR.”

Lukas 23:34

Jesus fala: “Ña Pape, purda elis, pabia e ka sibi ke ke na fasi.” E juga sorti pa rapati si ropa.

Lukas 6:28

bo pidi ben pa kilis ku na pidi mal pa bos; bo ora pa kilis ku na trata bos mal.

Atus 7:60

Dipus i kai ku juju, i grita ku vos forti: “Siñor, ka bu guarda e pekadu kontra elis.” Oca ki fala asin, i diskansa.

Romanus 12:21

Ka bu disa mal ngañau, ma ngaña mal ku ben.

Tiagu 5:15

Orason di fe i ta salba ki duenti; Siñor ta lantandal. Si kontra i fasi kualker pekadu, i ta purdadu el.

1 Samuel 12:23

Pa ña parti, SIÑOR ta judan pa N ka fasi e pekadu kontra el, di para ora pa bos, ma N na nsina bos kamiñu bon i justu.

1 Samuel 15:11

“N ripindi manera ku N pui Saul pa i sedu rei, pabia i disa di sigin, i ka obdisi ña ordi.” Samuel fika tristi, i coma SIÑOR tudu ki di noti.