Numerus 1:54 - BIBLIA - traduson antigu in Krioulo

⁵⁴ Asin, fijus di Israel fasi tudu konformi ordis ku SIÑOR daba Moisés.

Numerus 1:54 ပူးပေါင်းရင်းမြစ်များ

Saida 12:28

dipus e bai fasi tudu ku SIÑOR mandaba Moisés ku Aron.

Saida 39:32

Asin tudu tarbaju di tabernakulu di tenda di juntamentu kaba. Fijus di Israel fasi tudu konformi ordis ku SIÑOR da Moisés.

Saida 39:43

Moisés jubi tudu tarbaju diritu, i oja kuma e fasil konformi ordis ku SIÑOR da. Asin Moisés bensua elis.

Saida 40:16

Moisés fasi tudu kusa konformi SIÑOR mandal.

Saida 40:32

Ora ke na yentraba na tenda di juntamentu, o si e na bai pa altar, e ta lababa, konformi ordi ku SIÑOR da Moisés.

Numerus 1:19

suma ku SIÑOR manda Moisés pa i fasi. Asin Moisés ku Aron ku kidozi ŝef di Israel, ku na representaba jorsons di se papes, e fasi konta dipobu na lala di Sinai. Nomi di kada omi di vinti anu o mas, ku pudi sai pagera, i reẑistadu konformi si jorson ku familia di si pape. E kumsa ku fijusdi Ruben ku sedu fiju mas beju di Israel. Ali lista di numerus: Ruben 46.500 Simeon 59.300 Gad 45.650 Judá 74.600 Isakar 54.400 Zebulon 57.400 José: Efrain 40.500 Manasés 32.200 Benjamin 35.400 Dan 62.700 Aser 41.500 Naftali 53.400 Total 603.550

Numerus 1:53

Levitas na pui se tendas na roda di tenda di tustumuñu, pa N ka bin paña raiba di tudu fijus di Israel. Levitas i kilis ku nkargadu di guarda tenda di tustumuñu.”

Numerus 2:1

SIÑOR da Moisés ku Aron e ordis:

Numerus 2:34

Fijus di Israel fasi tudu konformi ordis ku Deus da Moisés. Asin ke kampa, bas di se banderas; asin tambi ke marŝa, kada kin konformi si jorson ku si familia.

Numerus 36:10

Asin fijus femia di Zelofead fasi konformi SIÑOR manda Moisés.

Numerus 8:20

Asin Moisés, Aron ku tudu juntamentu di Israel dedika levitas konformi tudu ordi ku SIÑOR daba Moisés.

Numerus 9:22

Si nuven para riba di tabernakulu dus dia, o un mis, o un anu, tementi i ka lanta, fijus di Israel ta fika, e ka ta bai, ma si nuven lanta, e ta bai.

Numerus 9:5

E guardal na lala di Sinai, na dia 14 di purmeru mis, oca ku sol na kai. E fasi tudu konformi ordis ku SIÑOR daba Moisés.

Mateus 28:20

Bo nsina elis pa e obdisi tudu kusas ku N manda bos. Ami N na sta ku bos tudu dia te na kabantada di tempu.’

Ripitison di Lei 12:32

Ba ta obdisi tudu ku N mandau; ka bu buri nada riba del nin ka bu rapatil.

1 Samuel 15:22

Samuel ruspundi i puntal: “Kal ku SIÑOR mas gosta del: ofertas kemadu ku sakrifisius o pa algin obdisi si palabra? Obdisi i minjor di ki sakrifisiu; para sintidu i minjor di ki gurdura di karnel.